أخي لاترضى لنفسك الذل والهوان وانت ساعدتها بفعلتها إنها تهددك بالرايحه والجايه لأنك حسستها ان
الشي هذا يألمك وانك خايف تكرر معك نفس الزعل والبهذله اللي سوتها لك أنا من رايي تتركها الين تفوق من
عمايلها وتسوي اشاعه غير مقصوده ان انت على وشك زواج واذا دخلت حد بالموضوع من اهلها او اتصلت تسأل عن
صحة السالفه قول لها وبكل ثقه أنا ماأقدر أعيش عزوبي والبيت يبي له راعية بيت تديره مو كل يوم زعلانه وعند أهلها
وانتبه تبين لها انك تمزح او تبين لها ضعفك صدقني بتجيك ركض... وبصراحة زوجتك غلطانه المشاكل الزوجيه اذا طلعت
برا البيت فصعب حلها لأنها بتتعقد أكثر وإنشاء الله نسمع منك أخبار تفرح .. وبالتوفيق