من حقهم يخافوا اهلها على مستقبل بنتهم من شخص مطلق بعد اقل من شهرين وبدون معرفة الاسباب من الطرفين
انا مااقول هالكلام اقلل منك .. انت ممكن تكون احسن من 100 شاب اعزب باخلاقك ودينك الله اعلم .. بس الاهل لهم نظرة غير نظرة البنت ومن حقهم هالشي ومن حقهم ياخافوا على مستقبلها
لو انا عندي بنت بزوجها لعازب مثلها تكون هي اول فرحته وتعيش معاه فرحة التجهيز والحياة الجديدة
طيب ليش الشباب نادرا احد يفكر يتزوج مطلقة مهما كانت على دين وخلق وجمال ..؟ نفس الشي يااخي
والمطلقين بعد ليش مايفكر الا ياخذ بكر ليش ما يفكر ببنت مطلقة مثلة ومارة بنفس التجربة
انا بس حابة ابين لك وجهة نظرهم كأهل ومن حقهم 100 % حتى لو كانت البنت موافقة .. الاهل نظرتهم ابعد واعلم بمصلحة البنت
على فكره انت قلت انك للحين ماتخرجت من الجامعة يعني ماعندك وظيفة للان وانت عارف هالزمن والواحد ما صار يلقى وظيفة بسرعة وهذا برضو سبب محتمل للرفض
بالنسبة لموضوع انك صارحتهم بانك منفصل وكان بمكانك تخبي هذا مااظنه ميزة او شي تمن فيه عليهم هذا الشي اللي لازم يصير .. الا اذا كنت ناوي تغشهم هذا شي ثاني
يعني ماله داعي تذكر هالشي او تفكر فيه
اي واحد يخطب لازم يحط بباله انو احتمال القبول 50 % والرفض 50 % وهالشي كله راجع للبنت واهلها ماله داعي الواحد يحط بخاطره ويزعل
عموما بالتوفيق يارب والله يرزقك بالزوجة الصالحة
التعديل الأخير تم بواسطة موحتارة ; 06-05-2008 الساعة 12:44 PM