بما انج في دوله الكويت، يعني فرص التوظيف سهله والحمدلله
واضح للي يقرأ كلامج انج شاطره،، بس يمكن السنتين الماضيات حصلت ظروف عارضت هالشي
المهم،، شوفي لج تخصص له رغبه في السوق (حتى لو كانت الوظايف متوفره للمواطنين)

يعني مثلا تخصصات التجاره انا اعتبرها خفيفه وفيها متعه للي يدرسها وما تحتاج مهارات عاليه في الرياضيات، وبنفس الوقت السوق دائما في حاجه لها.. وانا ملاحظ هالشي لأني من سكان احد الدول الخليجيه.
فكري في تخصصات مثل التسويق او الماليه او الموارد البشريه (بشكل عام الاسواق الخليجيه تحتاج لهالمخرجات)
تخصص المحاسبه يحتاج شوية رياضيات، ولو كملتي الماجستير اللي معروفه بإسم "المحاسبه القانونيه" تكوني من الخليجين القلائل بهذه الشهاده (والسوق بحاجه لهم بشكل كبير)

بس احب اشير لمعلومه او فكره بسيطه يمكن ما انتبهتي لها،، في تخصصات الواحد يستانس فيها مثل علم النفس لأن القراءه فيه متعه... لكن العمل في هالتخصص يتطلب منج انج تتعاملين مع ناس بنفسيات مختلفه، وساعات تسمعين للناس ،، يعني بالعربي الفصيح سااعات الشخص يكون ماله نفس يسمع مصايب الناس... عن نفسي اشوف مثل هالتخصص يكون في تثقيف الذات مو للدراسه وشي تصرفين عمرج فيه (وهذا مجرد رأي)