صباح الخير يا بنات
يا رب تكونو بخير كلوكو


اختى الصابرة اولا احب ارحب بيكى اخت معانا هنا نتشارك فى كل شئ و نقوى ببعض بأذن الله

بس انا عاوزة اقولك على حاجة مش لازم عشان جوزك مش مواظب على الصلاة ان ربنا يحرمك انتى من الخلفة
لا تزر وازرة وزر اخرى صح؟

و بعدين انا من فترة كنت بفكر بنفس طريقتك بالظبط و قلت انا مش شايفانى كويسة انا عادية اه بصلى و بعمل الفروض و بقرا قرآن بس فى ناس انا شايفاهم احسن منى كمان و ربنا مرزقهمش فاكيد ربنا مش حيرزقنى انا عشان انا مش كويسة زيهم
فواحدة صاحبيبتى هى انا احتسبها اكثر تدين منى انا كمان قالتلى كلام انا وقفت عنده كتيييييييييييير
قالتله الكفرة ربنا بيعطيهم ذرية و اكيد انتى بكل ذنوبك احسن منهم
و ربنا اذا شايف انك وحشة كان اعطاكى كل حاجة تتمنيها عشان يحاسبك حساب عسير
و قالتلى الايه دى
"وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِأَنْفُسِهِمْ إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَابٌ مُهِينٌ" الاية 178 سورة آل عمران"

وادى يا سيتى تفسير ابن كثير عن الآية دى

"قَالَ تَعَالَى " وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْر لِأَنْفُسِهِمْ إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَاب مُهِين " كَقَوْلِهِ " أَيَحْسَبُونَ أَنَّمَا نُمِدّهُمْ بِهِ مِنْ مَال وَبَنِينَ نُسَارِع لَهُمْ فِي الْخَيْرَات بَلْ لَا يَشْعُرُونَ " وَكَقَوْلِهِ " فَذَرْنِي وَمَنْ يُكَذِّب بِهَذَا الْحَدِيث سَنَسْتَدْرِجُهُمْ مِنْ حَيْثُ لَا يَعْلَمُونَ وَكَقَوْلِهِ " وَلَا تُعْجِبك أَمْوَالهمْ وَأَوْلَادهمْ إِنَّمَا يُرِيد اللَّه أَنْ يُعَذِّبهُمْ بِهَا فِي الدُّنْيَا وَتَزْهَق أَنْفُسهمْ وَهُمْ كَافِرُونَ "

شفى سبحان الله ربنا بيحينا جدا عشان ربنا مبتلينا و ربنا اذا احب عبد ابتلاه عشان هو دا سبب وجودنا فى الدنيا اننا نعبد ربنا و ندعيله و نعمل اخطاء و نستغفره عليها
يا حبيبتى احنا مش ملايكة و كلنا خطاءيين
انتى ادعى لزوجك بالهداية و ان شاء الله ربنا حيهديه

بصى انا كمان زوجى مش مواظب على الصلاة ففكرت فى خدعة عشان يواظب بيها على الصلاة
كان فى موضوع قريته عن ان الواحد يصلى ركعتين من غير الفروض و يدعى بيهم ربنا فى السجود "رب لا تذرنى فردا و انت خي الوارثين" 40 مرة الا و استجاب ليه ربنا فكنت بصليها بعد صلاة العشا لوحدى فقلت عشان اخليه يصلى كل الفروض اقوله يصليهم معايا ففعلا ابتدى يصلى كل الايام معايا بس ساعات فى ايام بتتفوت عشان بيكون راجع من الشغل تعبان فبينام قبل العشا كمان اتانى يوم
و انا مش بحب اقعد ازن فبقول احسن لما الموضوع يجى واحدة واحدة
فانتى اقترحى على زوجك كدة حتى اذا صلى معاكى بس الركعتين دول ممكن يفكر مع نفسه انه لازم يصلى باقى الايام

و عاوزة اقولك حاجة تانية برضو و انا بقرا قصتك و انتى بتكتبى ان مش حينفع حتى التلقيح انا اقتكرت انه مش حينفع حتى اطفال الانابيب فزعلت جدا بس سبحان الله لقيتك بعد كدة بتقولى انه اتقال انه ممكن
فشوفى الحمد لله كرم ربنا عليكم انه فيه باب امل ربنا فتحه قدامكم و ان شاء الله حيكون هو السبب فى رزقكم بأذن الله

اما عن طلع النخل فاسألى عليه عند الناس اللى بتبيع العسل بيكون عندهم برضو او حتى اذا تعرفى حد فى دولى تانية و يبعتهولك و ان شاء الله يكون فيه الخير

و نصيحة منى دورى على الوصفات و الخلطات الطبيعية و خلى جوزك ياخدها
انا حاطة لجوزى يافطة على التلاجة كاتباله عليها "العسل" عشان مينساش ياخده الصبح و بالليل

ربنا يكرمك ان شاء الله و يكرمنا جميعا و يفرح قلوبنا ككككككككككلنا بأذن الله


جنى دان انتى فين احنا عاوزين نتطمن عليكى

باقى البنات بدون ذكر اسماء ليكم حبى و دعائى
انا بس بحاول التزم بقوانين المنتدى

اما عن حلومة فهى الحمد لله بخير بس لسة فى المستشفى عشان عاوزة تخصل من المباركات فى المستشفى
و ان شاء الله تخرج كمان يومين و تطمنا بنفسها بأذن الله


رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة