تأثرت لمشكلتك جدا... ليش لسبب الا لأني اعتقدت و بصراحة أني منذ فترة طويلة كتت تقريبا مثل زوجتك...
كنت متأكدة من حب زوجي ليه..و ((شايفة نفسي عليه)))..و هو بالضبط مثلك كان قوي شخصية و لكن لا يحب ان يستخدم الحزم..وفي كل مرة يسامحني.. بالعكس كان يقولي انا ما اقدر ازعل منك..و تماديت معاه كثير و نكدت عليه حياته..حتى موضوع الاتصالات كنت مثل زوجتك...
تدري انا توقعت ان زوجي كاتب الموضوع و كاتب انه متزوج من سنتين فقط((تمويه)) بس حنا صار لنا 8 سنوات...
و عندنا بنت وولد..
الخلاصة اخوي لا تستغرب من الاقتراح الي بقولك..
طلقها...
صدقني انا ما فقت من الغيبوبة الي عشت فيها الا يوم سمعت كلمة انت طالق.....
و طلعت من البيت و قلت في نفسي خليني اعاقبه و اعرفه وش معنى طالق((شين و قوي عين))
و تدخلو اهلي بالموضوع..
و لسى كنت اعاند.. على بالي انه متندم و لسى عندي الامان!!!...
باختصار لييييين شفته بايع صدق و قالي انت بطريق و انا بطريق..
ارخيت الحبل.... ضاق صدري مرة و حسيت اني خسرت شخص كان يحبني و يحن علي كزوج و اب و اخ و كل شي..
طبعا الطلاق خلاني استوعب حياتي كيف كانت ماشية ..
و الحمد لله زوجي تحملني و لا زال.. و قالي انه كان مستحيل انه يتخلى عني بس كان درس لازم يعطيني اياه..
صدقني اخوي ..حنا الحريم في الحب ما ننعطى وجه..
الحب فقط..و ليس المال و الاولاد..حب الزوج فقط هو ما يحسس الزوجة بالامان من زوجها.. أمان ممكن ان يصل مع بعضهن(مثلي) لدرجة التمادي و الاستهتار ...و كأن الزوج فقط لخدمتها و انه حياته مسخرة لأجلها..
انت تفكر بالطلاق... وانا اقترح عليك التطليق بنية ارجاعها بدون اخبارها.. و بذلك لن تخسر شي...
على فكرة .. انا كنت كل مشكلة صغيرة اقوله طللللقني...
الحين افكر تفكير.. قبل لاازعل ..هل الشي هذا يزعل و الا ما يحتاج ازعل؟؟
و اذا زعلت ما صرت ادق عليه..
و احاول أأجل النقاش لبكرة...بكرة يصير كل شي برد انتهي ..
و انسى..
الطلاق صار بعد سنتين من الزواج قبل الاولاد..
و الحين لنا 8 سنوات متزوجين..
يعني 6 سنوات بعد الطلاق .. تغيرت للأفضل جدا و الحمد لله جبت ولد و بنت خلال الست سنوات..
و الحين اقول ما ادري وشلون كان صابر علي وش حاده على ذيك الحياة..
التعديل الأخير تم بواسطة مدام عبدالله ; 11-05-2008 الساعة 07:36 AM