الأخت أميرات..
ما ادري بس احس ان الضرب اسلوب جدا قاسي..
و يكسر أشياء عمرها ما تتصلح..
و الي بتكمل حياتها مع زوجها عشان خايفة من رفعة يده عليها..معناته اساس العلاقة بينهم فيها شرخ...
زوجي الله يذكره بالخير.. على قد ما بهذلته ونكدت عليه..حتى في علاقاتنا الخاصة كنت ما اعطيه وجه..
و مواقف كثير صعب اني اشرحها..
الحين و الحمد لله..اشوف كل شي بيننا صار للافضل مع اني ما حبيت ان يكون بيننا كلمة طالق لو مرة وحدة.. بس الشكوى لله..ضريية الراحة النفسية بعدين..
صحيح اني الى الحين اتدلع عليه حبتين
بس صدقيني صرت اتحمل عيوبه...و انشغاله الزايد برة البيت في اعماله و اشغاله..
و اغفاله لكل معنى رومانسي في حياتنا..و تجاهله للمسات التي تهمنى كأمرأة((هذي السالفة من قبل الطلاق))
كاشياء كثير الحين اتحملها لأني فعلا آمنت انه رجال و عرف كيف يحافظ علي...
صحيح انه حافظ علي بالطلاق.. بس الحمد لله... طقلني معززة مكرمة..لا اهانات ولا ضرب و لا تجريح و لا اسلوب طرد من البيت الفضيحة و الدندرة بين الخلق!!!!
طلقني بهدوء و رجعت بكل حب..
و استوعبت ..ان لدي عملة نادرة صعبة وجودها هاليومين...
و الضربة الي ما تقتلك..تقويك..
التعديل الأخير تم بواسطة مدام عبدالله ; 11-05-2008 الساعة 07:59 AM