اخي الكريم
تدري شنو اساس المشكله ؟ انها تحبك ! نعم انها تحبك .. تبي تعرف عنك كل صغيره و كبيره !! تبي تعرف جم عندك بالبنك تبي تعرف انت وين تبي تناشبك على شان تحس اب صوتك يلحق صوتها ... اخي في نوعيه من الحريم يحبون يتدخلون اب كل شيء على شان يحسون اب اهميتهم ... و الظاهر جدا ان زوجتك من هذا النوع .. لو كانت انسانه سيئه ما فكرت تساعدك بالمصروف تبي تحس اب اهميتها اب حياتك ... بالرغم من انك تعطي و لكن اهيا تحس انك مو فاهمها .. اخي انت دللتها و ما قصرت .... و لكن حان الوقت انك اتشد عليها على شان تتعلم .. اهيا اذا قعدت بالبيت بروحها و انت عند ربعج مجرد تغار من ربعك و اتحن انك مو وياها .. تبيك حقها بروحها .. اهيا مو حاسه بس قاعد تخرب بيتها اب حب الامتلاك الي صاير فيها ... اخي صدقني اهيا تتعذب اكثر منك لانه طريقتها بالحب مو نفس طريقتك .. 24 سنه و 30 شنه منو قال مافي فرق اخي الكريم !! يقال اكبر منك اب يوم اعلم منك اب سنه .. قد تكون 24 و لكن مخها لين الحين صغير و ما عندها الخبره الكافيه انها تحل الموضوع ... اول شيء خلها اب بيت اهلها .. و قولها عفت حياتي معاج و ما اظن انتي الي تقدرين تسعديني ... مو ضعف مني و لكن احتراما لج و انتي ما تحرتميني .. اخي من دون تجريح كلمها قولها كل الي فكرت فيه و كل السفرات كل شيء حلو بينكم .. و قولها اشلون تعاملك .. و لا تعطيها فرصه للكلام قولها انا الحين بتكلم .. و قول حق اهلها انها نكديه و كثيره النكد و لازم تحاول تتحكم اب عواطفها لانها خربت بيتها و نفسيتي .. و قولها انا فكرت ايد و احس اني ما ابيج و مافي شيء يربطني لا ياهال ولا غيره .. و خلها فتره اب بيت ابوها شوف ردت فعلها .. اخي انا اكيده انها تحبك و لكن ماكو احد يتغير اب يوم و ليله .. انت عصبي و تقول انك قلت لها بتييب تاج راسها عليها .. انا افتكر زوجتك كانت تبي تسمع شيء ثاني .. صراخها كان لانها اب توصل حق اعماقك و لكن طريقتها غير و اسلوبها ينرفز .. مره ثانيه اذا صرخت احضنها و سكتها .. ممكن جدا زوجتك اتحس انها فاقده حنان .. بالرغم من عدم تقصيرك اخوي و لكن اهيا تفكيرها جذي .. ممكن انت تسويلها كل شيء بس مو نوعك تقول حجي حلو ف اهيا اب محاوله فاشله تحب اتطلعه منك .. و انها مريضه تبيك يمها تبي تشوف غلاها .. دله بنات هذا .. اذا طلقتها اكيد راح تتزوج بس على شان تثبتلك انها ما نكسرت ف لا تستعجل دايما في بداية الزواج اكو مشاكل .. و احنا في انتظار تنحل مشكلتك ان شاء الله
اختك بني