المشاركة الأصلية كتبت بواسطة ban000tah

اخواني واخوتي
حبيت اخبركم باللي صار معاي
كنت اتعامل مثل ماقال اخوي السيف المهند بلطف ومافتحت هالموضوع معاه ابد
بس البارح اول ماجئ استفزني
قالي انتي متى بتحملين بنتك صار عمرها ثلاث سنوات اقوله ان شاءالله كل شي بيد الله
يقول لا انتي اصلا ماودك انا عارف قلت بالعكس ودي كان ماتركت المانع ان شاءالله ليش مستعجل
قال شلفايده وبعدين حتى لوحملتي هالمره لاتقولين بتمانعين لا الثالث على طول بنجيبه
قال شفتي اختك قلت له كل واحد وظروفه اختي زوجها جنبها اما انت لا
قهرني والله قلت له اخذنا معاك وانا احمل كل سنه قال رجاءا مابي حنه وهذره على راسي
وسكري الموضوع وهذا وضعي وماراح يتغير
بس انا ماقدرت لاني حسيته اناني وانا بغبائي ساكته على الوضع قلت له نبي نكون معاك وجلست ابكي
قلت له انا احبك ومحتاجتك ليش ماتبيني قال يمكن بعد 15 ولا 20 سنه اخذكم
حسيت انه بايعني وان الوضع عاجبه كذا ومستحيل يغيره مثل اللي متزوج مسيار بس عشان العلاقه الخاصه حتى العيال مايدري عنهم
قلت له يايصير هالشي لاني مو مرتاحه صراحه ولا خلاص ننفصل
قال عادي واذا تبين كلمي اهلك عشان يكون عندهم خبر قلت له واهلك بعد
خلهم يعرفون ولدهم شمسوي
المهم
ان الليله بيكلمون اهله اهلي بخصوص الموضوع
بس بيما انه رافض ان ياخذنا معاه ماظن كلامهم منه فايده يعني خلاص والله اني مصدومه من ردت فعله ماتوقعت اني رخيصه عنده لهدرجه وخاصه ان طلبي بصالحنا احنا الاثنين مع عيالنا
بس ادعو لي اني ماكون حامل هالشهر خايفه اجيب ضحيه ثانيه قلت له بحلل قال الليله بعد مانتفاهم مع اهلك
يارب ما اكون حامل