معليش ... أنا أختلف مع الأخوات ...

الفازلين صحيح يبرد ... بس تراه يكون طبقه عازلة وبالتالي يحبس الماء تحت الجلد المحترق وبالتالي تتكون فقاعات ماء

واللي تترك أثر بعدين ...

راح أقولكم تجربتي ويمكن تستغربون ...
بس والله اني جربتها مع فلذة كبدي ... مع نور عيني ... ولدي ... يعني ممكن الوحده فينا تهمل بنفسها شوي ... بس

تجي عند ضناها وتقول للإهمال ستووووب !!!

كان عمر ولدي تقريبا عشر شهور ... لسه ما مشى ...

عند الوالد استراحه في جده ونصيف فيها كل سنه انا وخواتي مع الوالد طبعا ً...

المهم ... بنت أختي توها صاحيه من النوم ... ومسويه لها أبريق شاهي ... ما امداها تحطه ... الا وولدي يحبي بسرعه

بإتجاه الصينيه في أقل من الثواني وما أسمع الا ذيك الصرخه اللي الى الآن أسمعها بإذني من كثر ماتقطع القلب ...

وطبعا ً ... بما اننا في أستراحه ومنطقه بعيده شوي عن العمران ... تقريبا ساعه الا ربع ... فلازم أتصرف ...

أول شيئ ما خليت قارورة مياه معدنيه عند أهلي ... أفتح وأصب على صدره وبطنه >> موقع الحرق

والولد من الحراره والله مثل العصفور يرتجف بين ايديني ... المهم ... كانت عندنا أختي الكبيره ... وقالت لي حطي على

الحروق ملح

انا بكل استغراب مللللللح !! انتي صاحيه ... الحرق يبيله شيء يبرده وانتي تقولين ملح!!!

قالت جربي ومنتي خسرانه .... طبعا وقتها لو وش ما يقولون لي راح أسويه ... بس أبي شيئ يهون على صغيري حبيبي

المهم ... ولدي كان بحضني ... وجابت إختي الملح ... وبدأت ترش على صدره وبطنه .... غرقته بالملح .... ومع الحركه

والصياح فيه أماكن ماجا عليها الملح ...

والله ... والله .... والله .... ياجماعة الخير ان مفعوله سحر!!

صحيح انه مايبرد ... بس بدأ الأحمرار يخف ...

و ميزة الملح انه يسحب المويه ... بمعنى مايخلي الفقاعات تطلع ... والأماكن اللي ماجاها ملح ظلت حمراء !!

المهم ... انه بعد ما خليت الملح تقريبا ساعه ... حطيت له كريم خاص بالحروق وأعطيته مسكن وناااام ... والحمدلله

وعشان تختفي الآثار ... مافيه أفضل ولا أروع من دهان اسمه ( ميبو ) في الصيدليات ... رائع جدا ً ويخفي أثر الحروق

على فكره ... انا لما استخدمت الملح ماكان جلد ولدي متسلخ مع ان الشاهي كان حاااااااار جداااااا ... بس جزء بسيط ...

يعني الحروق الشديده يمكن ماينفع معاها

هذي تجربتيالشخصيه الله لا يعيدها ...

والله يكفينا ووالدينا واياكم نار جهنم ... فهي أشد وطئا ً وحرا ً .... ودمتم بخير

__________________