المشاركة الأصلية كتبت بواسطة ^^om omar^^

أختي الكريمه المصريه

الصراحه موضوعك رائع لأن آنه توني كاتبه موضوع عن موقف حصل لي يعبر عن كل اللي قلتيه آنه ماصار لي فتره منفصله واللي طلب الإنفصال طليقي مو آنه لأن آنه عندي طفل معاق وممكن الأطفال اللي بعده نفس الشي لأنه قريبي فطلب إنا ننفصل ومن يوم ماتم الطلاق وأمي تتعامل معاه من أحسن مايكون وكل شي يبي نسويه حق ولده على شكل أوامر وإذا رفضنا شي قام يكلم أمي بصراخ لحد ماوصلت الأمور بالنهايه في هالأيام إن قل أدبه على أمي وسبها ودعا عليها وتكلم عنا كلام يضيق الخلق والله قبل ماتوصل الأمور عند هالحد كنت ميته أبي أرجع له لأني أحبه وكنت أسمع أخباره أقول يمكن في أمل ولو ماكنت متأكده إن راح يصدني كنت دقيت عليه لكن ماكان بيدي شي وكانت نفسيتي متحطمه حيل بس قاعده أذكر كل أيامي معاه وألحين بعد موقفه معانا صج تعبانه من اللي قاعد يصير لكن حسيت الله فرجها من عنده لأن خفف عني المعاناة خلاني أكرهه وحسيت إن لازم أشوف حياتي خلاص لأن حسيته ماكان يحبني كثر ماحبيته أكذب عليج إذا قلتلج ماأذكر شي أوقات وايد بس أسرح أذكر وأقول ليش سوى معاي جذي ماكنت أستاهل منه كل هذا لكن إن شاء الله أقدر أطلع من الحاله اللي آنه فيها والله يفرجها علي .

وطولت عليج وايد بالكلام بس عجبني الموضوع وحبيت أفضفض