شوفي مسألة كنت و كانوا و كان يحصل لن تفيد , الآن علينا حل المشاكل الحالية و هي واضحة
ذمتك المالية يجب أن تستقل عن زوجك تماما , أين ترين رجولته ؟ في أخذ مالك ؟ في صرفه على الناس ؟ في بخله عليكِ ؟
لو هو راجل بصحيح مش المفروض ياخذ منك شيء أبدا
وضعه المادي حرج أو هو غير موظف لم أفهم تماما , لكن فهمت أنك تريدين مساعدته
المساعدة لا تكون بأن تسلميه أموالك و حياتك
لو فعلا البيت محتاج فلوس و انتي بتعتبريها صدقة , فاملئي الثلاجة طعام , كفي نفسك و أولادك و زوجك من الثياب و أغراض المنزل , المال يكون معكِ انتِ , ساعديه لكن و الفلوس معاكِ , ليه هو اللي يديرها ؟؟
شخص مش قادر يدير حياته و غير متعلم , ازاي يمسك زمام أمورك المادية , و اللي واضح انه مش عارف !!
اقتباس:
|
لو فتحت فمي ابا شويه فلوس خلهم في البيت يزعل و يطلع من البيت انتي عايرتيني اني ما عندي شي
|
كلامك فيه خوف , يعني انتِ متعلمة و مثقفة و عارفة حقوقك أكيد , خايفة من الحقيقة ليه ؟؟!!
و بعدين كلمة "عايرتيني" لا تخرج من رجل زعل حقا لأنها لو خرجت يرافقها انفصال و طلاق , لأن الرجل الحقيقي يموت قبل أن تعيره زوجته , أما زوجك عاجبه الوضع , قاعد على بنك و عمره ما كان يحلم يلاقي مصدر مادي زيك !!
اقتباس:
|
يهددني باجر لو استويت مليونير اول شي براويج و بخليج تيجين و تبوسين رجلي استغرب من كلامه لاني لا عايرته و لا شي قلتله بس ابا فلوس في البيت
|
المشكلة مش انك عايرتيه , المشكلة تهديده اللي ممكن يتحول لفعل , مفيش كلام بيطلع من غير سبب , أكيد في عقله الباطن ناوي يفلسك و ممكن يتزوج عليك و يذلك و يوريكِ الويل
حتقولي ايه دليل الكلام ده ؟ حقولك كلامه
لو هو بقا مليونير حيذلك و يخليكِ تبوسي رجله إزاي ؟ لازم تكوني مفلسة و تعبانة عشان تعملي كده ( على حسب تفكيره ) إذا النتيجة انه ناوي يفلسك
اقتباس:
|
يشك فيني لابعد الحدود والله بدون سبب
|
تذكري " كل يرى الناس بعين طبعه , و الشك نتيجة إنه بيعمل حاجة غلط و بيفتكرك زيه
أنا ردي قاسي , أنا عارفة , لكن بحتقر جدا الرجل العالة على زوجته و بيستغلها و عن تجربة حدثت لقريبة لي و كنت شاهدة على أحداثها , الرجل كان بيستغل زوجته و تزوج عليها مرتين و كل زوجة سارق فلوسها و التلاتة كانوا عايشين في تعاسة كبرى , قريبتي اتطلقت و اتزوجت بإنسان أخلاق دكتور , و الإتنين التانيين عايشين منكسرين معاه
افتكري الحل بإيدك
إذا ما كنتيش تقدري تتطلقي لظروف أسرية و حكاية التقاليد و التخلف ده , إذا على الأقل استرجعي ذمتك المالية و افتكري ان فلوسك لازم تكون عندك عشان لو خانك أو قرر ينتقم لضعفه يكون عندك فلوس تحمي بيها لنفسك
و على فكرة
زوجك عنده عقدة نقص شديدة جدا و شخص بنفسيته أول ما أحواله تتحسن بينتقم من كل شيء في الماضي
بيحاول يدمر أي شيء يذكره بضعفه و قلة رجولته
و شيء أخير :
اقتباس:
|
هم اللي عايلتهم و لا حد فيها يصلي و لا يعرف ربه
|
إذا كان زوجك أيضا لا يصلي فلا يجوز أن يظل زوجك لأن تارك الصلاة كافر
ربنا ييسرلك أمورك