اختي طنشي الناس وريحي راسك

هما الناس هيك مابعرفو مراعاة المشاعر

ثم لو حملتي حترتاحي؟؟؟ راح يدعولك و يحكولك يارب تجيبي ولد

تقوليش انو البنت طبقة دنيا

وان جبتي ولد فانت انسانة رائعة بنظرهم لكن بعد اكم شهر عاد وانت مالحقتي ترتاحي من الولادة

يلا شدي حيلك جيبي لابنك اخ او اخت

وازا جبتي التاني حيقولو يلا عاد كملي واخلصي جيبليك 3 و 4 كمان عالبدري

اما لو جبتي بنت

حيقولو لك يلا جيبي اخ لبنتك

وحيضلهم يقرفو فيكي

انا بستغرب جدا عالناس

انا لايوجد احد همني حمل ولا لا او انو يعني جاب بنت ولا ولد ولا توأم

ماعمري فكرت

ايش دخلني بالناس

ممكن افكر اهتم لامر اختي او اخي فقططططططط والسبب ليس حشرية مني وانما خوف عليهم وحبا لهم

يعني ان تاخر بالانجاب او هيك ممكن يكون قلبي عليهم

لكن الغريب بتلاقي يعني وحدة مالهاش دخل في شي

مجرد وحدة تعرفيها

تشعرك انو انت همها الاول والاخير بس بدها تحملي

لااجد اي مبرر لتدخلات متل هيك

لو كل واحدة تضل في زوجها وبيتها وولادها وحياتها كان افضل

مش عارفة ايش مال الناس

لهيك طنشي واشتري راحة بالك

عمرك ماتخلصي من الناس

انا مرة رحت حفلة وحدة عاملاها لبنتها عشان صار عمرها سنة

المهم كل الناس الي قاعدين صديقاتها هية

وشفتهم قبل سنة فقط لاول مرة

ورجعت شفتهم بعد سنة

يعني معرفة طفيفة

ناس اشوفهم من السنة للسنة

السنة الاولى كنت متزوجة لي شهرين ومش حامل ماجلين يعني

والسنة هاي جديد حامل وماخبرت حد

فشافتني وحدة بتقلي مش انت العروس صح

حملتي ولا لسة؟؟
بقلها لا الله كريم (((مابدي احكي لحد)))

الا بتقلي اه ليش يعني

بقلها ارادة الله ظروف
الا بتقول اه بتتعاجلو يعني مريضين شي
شوفي بالله اشي بقهر

مافكرت انو لو انا مريضة او زوجي مريض انو كلامها حيجرح مشاعري

فكرت تتحشرن وبس

ولسة في نساء يااختي بقولو انت ليش ماحملتي

طيب هاي ايش الواحد يرد عليها؟؟؟

خلقة ربنا

الناس عجايب وان حتلاحقي عليهم راح تجني بالاخر

وانت بتحكي انكو ماجلين يعني نفس حالتي

خلص لما حد يسالكو احكيلهم ماجلين مزاجنا هيك بقول

ثم عمتك الي بتقول عقيم وغيرو او قريبتك

مقهورة عشان بدها كانت زوجك لبنتها

لاتسمعي لاحد

ولا تخلي احد يتدخل فيكي لدرجة يعكر مزاجك هيك ويقرفك

حاولي تصدي الناس

لما يحكو معك بالطريقة المزعجة هاي

جاوبي باسلوب جاف بس ماتوضحي انو زعلتي لحتى الي مقهور او شي مايمسكها نقطة ضعف

ولو عندك جراة تقولي الهم

الحمدلله مبسوطين وماعلينا شي

الله يوفقك اختي انسي الله يخليكي وماتفكري

__________________