وأنا مثلكم بس أنا مو مانعني الخجل أنا ما أعرف أرقص الرقص الشرقي , صحيح في المناسبات أرقص رقص خليجي عادي بس هذا ما ينفع للزوج , الرجال يبغى رقص يذوب يعني هز وأنا مشكلتي ما اعرف أهز..
الله يعيننا احنا الزوجات في هذا الزمن يعني أنا ما عمري اتعلمت أرقص الرقص المصري في بيت أهلي أولا لأنه لازم أسمع أغاني عشان أتجاوب وأهز ..
ثانيا لأنه ما يجوز أرقصه أمام النساء لما فيه من الإغراء وهو لا بد له من الممارسة عشان أتقنه, فقولولي بالله عليكم كيف أرقص لزوجي كدة بين عشية وضحاها ..
صحيح ممكن أتعلم وأتدرب ولكن سيأخذ مني وقت طويل وجهد حتى أتقنه زي ما بيشوف في التلفزيون وطبعا ما يبغاني أكون أقل منهم..
وفعلا حاولت أتعلم وطلبت وحدة من صديقاتي تعرف ترقص كويس إنها تعلمني ورحتلها بيتها وبدأت الدروس وشغلتلي أغاني وقلت يللا بس عشان أتعلم وغلبتها معايا , فقالتلي عشان تتعلمي لازم تتذوقي نغمات الأغنية وتعيشي معاها وبعد كدة حتلاقي نفسك تهزي تلقائيا..
وأنا بصراحة ما بدي أعيش جو الأغاني حتى لو كانت من غير موسيقى يكفي إنها طرب.. ومن يومها صرفت النظر ..
بس في داخلي رغبة إني أسعد زوجي بالرغم إنه هو ما طلب مني إلا مرة واحدة وعلى سبيل السؤال .. بس ما كل ما يتمنى المرء يدركه..
الله ييسرلنا جميعا إعفاف أزواجنا بالحلال و يسهلنا الرقص لهم..