انتي تقولين انج انسانه واعيه اختي الفاضله و ياياه تطبين النصح
اول شيء هل توصل الزغبه فينه ان نكون تحت ستار و خفاء !! و ليش بالسر !! الزواج اساسه الاشهار و الاسلام احترم المراه و حط لها مكانه و لكن للاسف المراه ما تفكر اب هل الشيء لمن تستولي عليها عواطفها
اختي الكريمه
اولا انا ارفض الزواج السري .. انتي ما تدرين اذا راح تحملين او لا .. اعرف ناس مع اللولب حملو يعني هل الشيء اب ايد الله .. و مو معقوله راح تذبحين ولدج على شان رجل يرفض البيبي .. ليش يبيج بالسر !! متزوج و يخاف على بيته من الخراب و انتي متعته !! و شنو يظمنج انه لمن ياخذ الي يبيه ما يطلق بعد ما يمل !! و يرجع حق بيته بما انج جميله اختي !! هل تظمنين انه حقوقج اتييلج !! هل تظمنين رجل لا تعرفينه الا بعد الزواج و العشره هذا اذا ما يالج مره بالاسبوع و صرتي لا متزوجه ولا مطلقه !! انا اقول تركي عنج هذا الكلام الفارغ و فرضي رايج و قولي اب اعلا صوت .. لا انا اعز من اني اكون زوجه سريه .. انا زوجه امام الله و الناس ايضا .. هذا شرطي اذا تبي حياك الله .. صدقيني اختي اذا شاريج و يبيج زوجه على طول و مو مساله وقت على قولته .. راح يتزوجج لانه نفسج عزيزه ... و لكن اذا رضيتي راح كل يوم ياخر المساله و يقولج نطري علي عطيني وقت و راح تشوفين العمر يمضي و انتي المراه المخبئبه بالظلام .. ما راح يطلع معاج و اذا طلع في خوف و عدم راحه !! هذا الي تبينه اختي !! فكري عدل انا لو مكانج افضل العزله عن البشر من اني اكون السريه هذا راي و انتي حره .. انا ايضا مطلقه و عرض علي هل الامور و رفضت و طردتهم شر طرده لاني اعز و اكرم من هلالامور
اختج بني