والله الأخوان ماقصروا وقالوا الكلام الصحيح



وصدقني يااخي الكريم الحل بيدك
الزوج بيده يخلي بيته جنة

وين الكلام الحلو وين التسامح وين الود بينكم؟؟

صدقني اللى تبغاه تسويه زوجتك لك سويه إنت لها وهي بترد بالمثل.

(عامل الناس بمثل ماتحب أن يعاملوك)

وبعدين يااخوي لاتنسى وصية الرسول عليه الصلاة والسلام اللى شدد عليها قبل لا يلتحق بالرفيق الأعلى عندما قال (إستوصوا بالنساء خيراً)
(وخيركم خيركم لأهله وأنا خيركم لأهله) وغيره كثير فيما معناه.

فنصيحتي لك لا تخلي حياتكم ميدان حرب تشيل في قلبك عليها ..

ولاااااااازم تخلي الإحترام هو قاعدة الأساس بينكم
وكل واحد يحترم وجهة نظر الثاني ويناقشه بهدوء وإحترام

وبدون مايكون الموضوع حرب بينكم كل واحد يبغى يمشي حكمه
أنت إتنازل مرة ...وهي بتتنازل مرة

وحددوا بينكم طريقة للتفاهم في ساعة صفاء بينكم وهي:
إذا هي عصبت إنت إرخي
وإذا إنت عصبت أطلب منها ترخي وتهدي الموضوع


وبعدين ملاحظة مهمة وهي :
إنك إذا بتشيل في قلبك على كل شيء وموقف يبدر منها وماتنساه بتحول حياتك جحيم

لاياأخوي الحياة أخذ وعطى وأنت حبها من قلبك وبتهون في عينك كل شيء يصدر منها

بس مو معنى كلامي إنك تخليها تمشي أمرها في الصح والخطأ عليك ......لا

المثل يقول الخيل بخيالها والمرأة برجالها


أنت أبدأ بالكلام الحلو وبتــــــــــــــــــــــــــــذهلك النتيجة وبالتوفيق ياااااارب.

__________________