السلام عليكم ورحمة الله وبركاته
أخواني الذين لم يبخلوا علي بالدعاء .. والنصح .. لكم مني جزيل الشكر والعرفان ...
أحببت أن أنقل اليكم (بقايا همي) .. ويعلم الله ان العين تدمع وانا أكتب هذا الكلام ..
والقلب تفحّم من كثر المشاكل والهموم ... أسأل الله ان يلهمني الصبر والسلوان انه
على ذلك قدير ... وان لا يحرمني أجر معاناتي ويعوض صبري خيرا ً بصلاح أولادي
بحوله وقوته ...
اليوم ... وبعد فترة انتظار شهرين ... جائتني رساله من زوجي فحواها :
مثل ماإنتي أم عيالي فكمان (فلانه) ام عيالي .. وعيب عليك اللي تسوينه ورجاءا ً لا
عاد تتصلين عليها او تراسلينها !!!!
ولأوضح اللبس ... قبل اسبوع من الآن .. ارسلت لي زوجة زوجي رساله تتحسب فيها عليه .. وتدعي ان ربي يشل يده ويكسرها وانها تعبانه ومحتاره ومو عارفه ايش تسوي !!
فأرسلت أسألها : عسى ما مد يده عليك وضربك ؟؟
فردت بأنه ضربها لدرجة ان كل جسمها كدمات وعلامات منه ...
المهم انا انقهرت عليها مررره وبصراحه غلطت لأني أرسلت لها رسائل أشجعها انها
تتخذ خطوه وماترضى بسهوله وانها لازم تبين له انها بنت ناس مو (.......) عشان يسوي فيها كذا ....
المهم بعد كم يوم دقت علي ّ تقول انها تراضت معاه واصبح الوضع عادي بينهم ...
هنا ... قااااامت قيااااااااامتي ...!!
يعني واحد سب وشتم وأهان وفوق هذا طق وترجعين له بهالسهوله ؟؟؟
خاصة انه سب أهلها وقالها كلام لو تروح لأي شيخ يطلقها منه
على طوووول بمعنى آخر ( قذفها ) !!!
بصراحه ماتحمّلت وسمعتها كلام قاسي جدا ً من خلال الرسائل ... بس بعدين
رجعت واعتذرت لها وقلت لها انتي أدرى بمصلحتك بس بصراحه انقهرت عليك ...
واليوم تفاجأت بالرساله السابقه منه !!!
طبعا ً انا رديت عليه على طول بوقتها ( وانا الحين ندماااانه اني رديت لأني المفروض
أحقره)
ردي كان : انا مااتصل ولا ارسل الا لما تكون المبادره منها .. وعموماً تامر أمر ...
وتراى أعرف العيب من عدمه ومو محتاجه أحد يذكرني فيه...
وأرسلت لها : رجاء لا عاد تدقين علي وترسلين نهائيا ً ... واذا تبين احد يحل مشاكلك عندك أهلك الله يخليهم لك ..
الحين انا مهمومه جدااااااااً ... وحزينه ... ونفسي بس أبكي ...
ندمانه أشد الندم اني ارسلت له ... وماني عارفه كيف جاه الخبر اني اكلمها؟؟
مدري وش يقصد بكلامه عيب عليك؟؟
وايش معنى كلامه مثل ماانتي ام عيالي فكمان هي ام عيالي؟؟
بصراحه رسايلي ماكانت تخلو من الكلمات اللي فيها تعدي عليه ... وهذا غلط مني
بس من قهري والظلم اللي شفته وعشته..
بس المفروض اني ماأثق فيها لهالدرجه لأني كذا مرة اكتشفت انها تكذب علي ّ بس
وجدت لها العذر وقلت هذا من غيرتها ..
ماأدري .. معقوله تكون خلته يشوف الرسائل اللي ارسلتها؟؟
ومعقوله تقابل وقفتي معها ومساندتها بالجحود والنكران؟؟
ساعات أقول مستحيل .. لأن حتى هي ترسل لي ورسايلها كمان فيها سب
وشتم .. يعني حتى انا عندي دليل ضدها ...
بصراحه تعبانه ... ومحتاجه وقفتكم معاي مثل ما وقفتوا بالأول ... تكفووون لا تلومووووني .... وماراح أنساكم من الدعاء ...
__________________
