اختي night2005
يا سبحان الله .. أول مرة أشوف عضوة من هالمنتدى لها نفس رأيي!!
آنة بالفعل أعشق هذا المنتدى و يعتبر جزأ لا يتجزأ من حياتي و ثقافتي و وعيي العام..
وأدخله كل يوم و أتصفح أقسامه و أقرأ موضوعاته ..
ولكني أخاف و أتردد كثير من المشاركة بسبب ردود بعض العضوات الغير متفهمات..
اللي عايشين بالعسل و إيدهم بالماء مو بالنار مثلنا و يكتبون كلام يزيد الهم همّاً ..
علشان جذي أتابع بصمت و ما أرد إلاّ على الشي اللي فعلاً أتحمس له ..
المهم
تعليقاً على اللي كتبتيه يا حبيبتي ..
أكيد في كثيرات مثلك .. و في كثيرات يعانون أكثر منك بعد ..
أفهم انك قاعدة تمرين بحالة نفسية غير سارّة
و أفهم انك قاعدة تتسائلين في داخلك كثير ليش وضعك كذا
و ليش ما عندك حظ لا مع الدنيا ولا مع ناسها ..
آنة شخصياً أمر بوضعك مرات عديدة ..
ولكني اكتشفت و لله الحمد سر السعادة و الخلاص من الأحزان ..
السر هو الإلتجاء إلى الله سبحانه و تعالى بالصلاة و الدعاء ، في السراء و الضراء ..
و السر كذلك هو التظاهر بالسعادة و كمال الحال ..
تظاهري و مثلي أنك سعيدة ..
و راح تحسّين فعلاً بالسعادة ..
ابتسمي دوم بسبب و من غير سبب ..
حاولي تستمتعين بأقل مباهج الحياة مثل أكلة لذيذة أو برنامج تلفزيوني تحبينه
أو إبتسامة طفل أو فستان تحبين شكله عليك ..
و بالنسبة للأمل .. فأنتِ الأمل يا عزيزتي
أنتِ الأمل
بس اخذي دقيقتين و فكري فيهم إذا ما كنتي موجودة بالعالم
شنو راح ينقص ؟؟ و أكيد راح تحسّين بقيمتك
و تحسين بجمالك و روعتك
و الأمل راح يشرق في عيونك و قلبك بإذن الله ..
و ما راح أنساكِ من الدعاء ..
كل التوفيق ..