السلام عليكم عزيزتي
انا كنت متأخره في حملي ، لكن الحمد لله رب العالمين انا اللحين حامل

طبعا النوم على الظهر سبب من اسباب حدوث الحمل لكن 10 دقائق او 15 دقيقة تكفي

لكن الحمل بيد ربي سبحانه فقط ،، صدقيني

الشهر هذا اللي حملت فيه ولا مرة نمت على ظهري، لان تعبنا من المحاولة وكلنا امرنا لربي والحمد لله

الله يرزقك ياربي ما تتمنين

ما خليت مستشفى ولا عيادة ولا طبيب ولا علاج شعبي وخلطات حتى الحريم اللي يدلكون رحت لهم

لكن الشي الوحيد اللي نفعني هو تقربي من ربي بالصلاة والدعاء من قلب صادق وتحري اوقات الاجابة ،، كثرة الاستغفار

وقراءة القرآن والصدقة ،، وحاولي قدر الامكان انك ما تفكرين كثير ووسعي صدرك قدر الامكان ،، اطلعي تمشي تسوقي مارسي هواياتك اللي تحبين ( ما اقول يقولون ، هذي تجربتي انا ،، عانيت معاناة كبيرة ونفسية زفت وحالة بس ضغطت على نفسي وحاولت اني انسى شوي وما افكر كثير )

يوم رحت لموعدي عشان نتيجة التحليل قالت لي الدكتورة خذتي كلوميد ،، لآنها كانت واصفته لي ، بس جلست شهرين ما رحت الموعد ولا اخذت الكلوميد، طلعته لها من الشنطة ، وقلت شوفي هذا هو من شهرين معي ما اخذته ،، حملت من ربي الحمد لله رب العالمين

انا ما اعاني من اي مشاكل ولا زوجي ، التأخر من ربي ، لكن اذا انتي عندك مشكلة ، اعملي بالأسباب ، واذا انتي وزوجك سليمين ، فلا تعبين نفسك ، وكلي امرك لربك وتقربي له بالطاعات

معليش طولت عليك في الكلام ، بس توني طازجة ،، طالعة من هالتجربة من أيام بس،، الله يتمم لي حملي ويثبته ويرزقني بالولد الصالح المتعافي البار

__________________
لا اله الا انت سبحانك اني كنت من الظالمين