منتدى عالم الأسرة والمجتمع - عرض مشاركة واحدة - كيف تبداء المطلقه صفحه جديده فى الحياه ؟

06-06-2008, 09:42 PM

همسات دافئة

عضو دائم

تاريخ التسجيل: Nov 2006

المشاركات: 60

بدي احكيلك حياتي بعد الطلاق
تطلقت وعمري 17 سنة
اهلي رفضوا ادرس خوف عليي مش عارفة من شو
المهم تحديتهم تحدي الخائفة المرعوبة المحطمة
كيف؟؟!!
كملت تعليمي بالانتساب للجامعه يعني كنت بس يوم الامتحان اروح عالجامعه
كانوا بدهم اياني ادرس شريعه او لغه عربية
سجلت بهوية الانتساب شريعه
وشافوها
وبالحقيقة درست علوم مصرفية

وتخرجت وتوظفت والحمدلله على كل حال
لا اقول اني نسيت مرارة الطلاق وقد كنت طفلة
ولا ان حياتي الان مرج من زهور
الله وحدة العليم بمرارة الالم بداخلي
ولكنها مرارة والم بيني وبين ربي فقط
وامام الناس ابدو الفتاه الانيقة كاملة الشياكة الحاصلة على وظيفة الكل بيحلم فيها

عمري هلاء 30 وما بعرف شو الدنيا مخبيتلي لسة
ربنا يفرجها علينا ويرحمنا يا رب العالمين