شكرا لردودكم ونصائحكم ...

اكمل لكم باقي القصه ....

بعد ولادتي قضيت فترة نفاسي عند اهلي ... وكنت مرتاحه جدا ... وهو كان يسرح يمرح على كيفه .. تمر ايام نكد علي ومرات يجي ويفرحني ..... زي ما قلت لكم .... متقلب جدا ... عدة فترة نفاسي .. ورجعت له ... واتخذت اكشن على العادة السرية .. والي كانت في هذيك الايام من مسببت لي ضيق كبير .. اما الحين فبصراحه صارت ما تؤثر فيني زي اول ... اتخذت اكشن وحرمت النوم معاه .. بحجة انه يمارس العادة السرية ... ومو محتاجني ... وخاصة انه هذيك الايام وصل لدرجة كان يسكر عليه باب المجلس ويمارس عادته وانا ابكي في الصالة ... هل تخيلتو الى اي مدى وصلت به ..استمريت في هجراني 3 ايام بس ... ما صبر قام وواجهني وقلت له ... انت مش محتاجني .. انت تقدر تغني نفسك ... طبعا حنا من اول متكلمين عن الموضوع مع الخلافات الاولى بس نسيت اذكر لكم هذا الشي ....الهم خرجت من النقاش معه بصفر ... اي والله بدون فايده كاعادة ... يمدح نفسه .. وانه متكرم علي .. وانه مش مقصر علي ... ورجعنا زي ما كنا .... وعدة فترة الشهرين الاولى وفيها بعد كبير بيننا وقتها ما كنت احس فيه .. بس الحين لما اتذكر ... اقول مدري كيف كنت عايشه معه ... كان جاف معي كثير.. ومطنشني ... وحتى علاقتنا الخاصة كانت متردية جدا وقتها ... وبعد عشر اشهر سافرنا ,, انا لا اقول اجازة وانما اقول شهر عسل ... والله لرجع لي زي اول ما تزوجنا .. بالكرم والجود .. واللطافه ... والعلاقة الي بدت تتحسن ... كنت طايره من الفرح وقتها ... حسيت ان دعواتي استجيبت ... الحمد لله ... ولكن الفرحه ما طولت ... كلها شهرين بعد رجعتنا ... لا بدت عليه علامات الخيانه ... لما طلع من البيت وهو من النوع الي ما يطلع ابدا ... واجرى مكالمه استمرت لمدة ساعتين .. ونا اتصل عليه ويعطيني ويتنق ..هنا بس عرفت ان حليمه رجعت ...




معليش بس بصراحه انا ما اتعمد اسلوب التشويق والله ولكن مضطره اطلع .. لان زوجي يناديني واخاف يطل ويقرا وانفضح ....


لكم مني جزيل الشكر لرحابة صدوركم