لا حول ولا قوة إلا بالله ..
نايت ياقلبي تعوذي من الشيطان الرجيم ..
تنتقمين من أهلج يعني شنو ؟؟
تبين أهلج يدورون في السكيك يقولون يالله من مال الله ريل حق بنتنا ؟؟
يا عمري هذا نصيب .. وإذا الله كاتب بيجيج نصيبج ولا أحد يقدر يوقف في طريجكم ..
وبتاخذينه غضبا عن اللي يرضى واللي ما يرضى ..
بنات قاعدين في بيوتهم مايطلعون خير شر حتى الجيران مايدرون إن فيه بنت في هالبيت ..
يجيهم نصيبهم سبحان الله ماتدرين اشلون عرفوا عنها ..
وبنات يطلعون ويروحون ويجون ويترززون في الاعراس واجتماعيات وعندهم صداقات ومعارف من البنات لكن محد يطق بابهم ..
كله قضاء وقدر .. وكله حكمة من الله سبحانه وتعالى ماتدرين وين الخير فيه ..
تغضبين ربج وتشوهين سمعتج .. عشان شنو ؟؟ عشان عرس ؟؟
تضحين بسعادتج في الآخرة .. تضحين بالجنــــــــــــــة .. عشان شنو ..؟؟ عشان دنيا دنية فانية ..؟؟
الله يهديج ..
التعديل الأخير تم بواسطة مــريم ; 12-06-2008 الساعة 09:47 PM