المشاركة الأصلية كتبت بواسطة غـاليــة

عليكم السلام ورحمة الله وبركاته



ماشاء الله عليكِ يانوران إنتِ هادئة وعقلانية وهذا ماألاحظه هنا بردودك

لذلك متأكدة بإذن الله راح تحلين المشكلة بأقل الخسائر إن شاء الله

بدايةً انصحك تكسبين أختك مهما صار بينكم من مشادات لأنه سن المراهقة ماتتنبأي حتى بتصرفاتها بعدين

وأختك واضح عليها تفكر بلحظتها فقط ، عكسك تماماً تفكرين لمستقبلك وهذا هو التفكير الصح

لكن كبير عليها تستوعبه الآن ..

لذلك حاولي ترخين معها شوي وبنفس الوقت تشدين عليها .. كيف ؟

اتفقي معها إنه سعادتها تهمك وراح تنفذين لها كل اللي تبيه بس لازم على قد ماارضيك ترضيني

مثلاً على سالفة الملابس قولي لها أنا ودي اشتري لك اللي نفسك فيه وراح اشتريه بس خايفة على أمي تتضايق

عادي أمي تزعل علينا ؟

يعني خلي حوارك معها على إنه انتِ معها بس يمنعك أشياء أكبر منك ومنها وهي احترام أوامر أمك

بهالشكل بتكونين ارخيتي معها وبنفس الوقت شديتي عليها بتذكيرك لها بكلام أمك

فهميها إنه مافيه بين الأخوات خيانة !! ( والله ماأدري وش هالمصطلحات اللي صايره تطلع لنا )

المراهقة وحتى مابعدها بقليل تحتاج لحوااااار ، انتبهي يانوران ينقطع هذا الحوار بينكم

طبعاً حوار من غير صراخ وأوامر وتحديات !

حاولي تكونين حليمه معها واصبري عليها ماعليه راح تواجهين صعوبة بس إن شاء الله تقدرين عليها

على الأقل لـ حد مايوصل أهلك بالسلامة وسلميهم الأمانة : )

الله يكون بعونك بس من جد شهيتني وأنا أقرأ ناجتس