تري بيمل منك !!

كابتة على نفسه ياشوبارد ،، مايصير !!

لاتنسين هو انسان وله كيان مستقل ولو بكيتِ من اليوم لبكرة مستحيـــــــــل يفهم قصدك !!

الي يفهمه بس إن هذي الحرمة نكدية وتحاول تمشيه على كيفها !!

وتنفرينه منك ..

يعني الي تسوينه الآن لاتفكرين إنه ممكن مايخليه يسافر !!

لابيسافر وهو يقول: فككككككككككككككة !!

وإذا جا وقت رجعته بيقول الله يعيننا على الغثا الي ورانا !!

ومع الأيام بيصير يطنش زعلك ودموعك ولعد تعني له شي !!

لكن خلك ذكية واضغطي على نفسك وخلي الرجال يعيش حياته وإنت عيشي حياتك وفليها وانبسطي ..

اعتبريها إجازة عشان تتجدد الأشواق ..

إذا بغى يروح ودعيه وادعيله واستودعيه الله ..

وإذا كان هناك تواصلوا بالرسائل ..

وإذا رجع استقبليه بحفاوة وشوق ..

وبكذا تكسبين زوجك وتريحين نفسك ..

والله يعينك على نفسك ويهونها عليك ..

تذكري شيئين مهمييييييييييييييييين:

* هو مو ولدك عشان تحرصين عليه كل هالحرص ،، هو انسان بالغ عاقل يخاف ربه وله حرية يتخذ قراراته بنفسه ..

* لو زوجك فيه شر صدقيني ماراح تقدرين تمنعينه بدمعة ولابزعلة لأن رجال اليوم تغيروا جدّا ،، وأساليب التعامل لازم نطورها معهم عشان نوصل للي نبغاه ،، وفي الأخير احنا الكسبانين