السلام عليكم
اختي بنفسج .......... انا رأيي من رأي الاخت الرمية الملتهبة 100% الخيرة فيمل اختارة الله ....
اختي الغلطة من البداية غلطة اخوك شلون يرضى لك بزوج اقل منك مستوى ... ( عذرا على هالكلمة بس صدقيني بمجتمعنا الخليجي كذا الحياة صايرة ) ...
اما سالفة الترتيب و النظافة و العطور انت اعطية هدية طقم بدي سبراي مع العطر و فهمية شلون طريقة استخدامة و دامة حابك راح يتقبل منك اي شي ....
اما بالنسبة للعرس .. اظن ان من حق اي بنت انها تفرح بهالليلة مش مظاهر و كلام فاضي زي ما ذكرو بعض الاخوان ( مع احترامي لكل الاراء ) بس و الله يا اخوان العرس هو ليلة العمر تضل البنت تذكرة و توري الصور حتى لعيالها بفرح ..... دام انة قادر على انة يسوي عرس بديرتة اضغطي علية و دخلي اهلك بالسالفة ان العرس يصير واحد و يعزم كل اهلة اللي بالديرة يجون للعرس طول عمر الاعراس كذا .... ويصير لك اللي انتي تبين بدون لا يقصر مع احد ....
و شيلي من بالك فكرة انة يبي ينتقم باللذات انة يتيم لما يشوف منك الحب و الحنان راح تكونين لة الام و الاب و الاهل كلهم ....
و اما السيارة ترا لا تنسين انة على قد حالة و السيارات مرة غالية هالايام ... اصبري على هالسيارة لحد ما تتحسن ظروفكم .... و على فكرة اختي اهبي نفسك انك بتعيشين حياة مختلفة تماااااااااام عن اللي ببيت اهلك بتمر عليك ايام الخبز ما فية بالبيت ... بس لازم تتحملين لان هذا واقع ....
كلمة اخيرة ..... انت ادرى بنفسيتك و قدرة تحملك ... وادرى بخطيبك و طبعة ... اذا منتي مرتاحة لة لا تتورطين من اولها لان بكرة بيكون فية عيال و الانفصال بيكون لة عواقب وخيمة .... صدقيني شوفي وين الله كاتب لك الخير ... توكلي على الله و اعملي بنصيحة الاخت الجمرة الملتهبة و صلي بكثرة و استغفري بكثرة بنية تيسير الخير و الله كريم .........
اختي اتمنى اني افدتك و لا طولت عليك ... طمنيني عنك يا الغالية