المشاركة الأصلية كتبت بواسطة بحرينية ولكن
السلام عليكم ورحمة الله وبركاته ..
عجزت احاول أتاقلم مع الواقع ..
أحاول أقنع داخلي أنه لا بأس من وجودي بعيدا عن دياري ..
لا بأس من عدم رؤيتي لأمي .. لأبي .. لأخوتي .. لأهلي ..
لكن تجيني أيام أضعف فيها ..
أحن لأبوووووووووووي .. أبوي حياتي هو ..
ماعمره زعلني ..
ولا مرة ضربني ..
وإذا يهاوشني يعاتبني بلطف ويربت على راسي ويقبله ..
آآآآآآآآه وحشتني يايبه ..
وحشني صوتك ..
وحشتني ريحتك ..
وحشتني الجلسة معاك ..
واللمة معاك ومع امي وأخواني ..
على الفطور .. على الغدا .. على العشا ..
أفتقد للجو العائلي هني ..
آكل بروحي .. واشرب بروحي .. أطالع التلفزيون بروحي.. أطلع بروحي ..
أفتقد للحنان .. أفتقدك يا أمي ياحبي إنتي ودنيتي ..
سامحيني يا يمة لما كنت مراهقة كنت عنيدة وما أسمع كلامك ..
زعلتك .. وعصيت أوامرك .. ودخلت أبوي بيني وبينك ..
ولما نضجت وعقلت ماتهنيتي فيني ..
فارقتك ..
خليتك..
ورحت بعيد ..
أمي وابوي ..
أعذروني وسامحوني على بعدي ..
سامحوني لأني حرمتكم من كلمة يمة ويبة ..
ودكم كل اسبوع لما تطلعون تتنزهون يكون العدد كامل ..
لكنه ناقص .. غصبا عنكم وعني ..
أشلون أبر بكم وأنا بعيدة ..
تكفي الاتصالات ؟؟ ماتكفي .
تكفي جياتي كل 3 أو 4 أشهر مرة ؟؟ ماتكفي ..
تكفي أيعث لكم الهدايا بين حين وحين ؟؟ لا طبعا ..
أحتااااااااااجكم ..
أحبكم ..
|