هذا زواجي الثاني ينهار بسرعة اكثر مما توقعت .

الاولى حبيتها حب جنوني وهي من طلبت الطلاق لاسباب لا مجال لذكرها الان وطلقتها باكرام واحسان .

في عدة الاولى التي لي منها طفل تزوجت الثانية بشكل متسرع .


الثانية ايضا انجبت لي طفل بس اكرهها و الله ماحبيتها ياسبحان الله اشوفها بشعة قدام عيني .


انا راح اطلق الثانية خلاص ماعاد فيني حيل مشاكلها كثيرة و فيها كبرة انها بكر وتزوجت انسان مطلق . وعملت معاي مواقف لو واحد غيري كان طلقها من اول شهر .

اضافة لمشاكل الثانية انا ماحبيتها والله .



الحين وش اسوي عمري 33 سنة وصرفت على زواجتين مبالغ كبيرة هي كل اللي عندي مابين مهور و ذهب و تأثيث ( الثانية اجبرتني على التخلص من اثاث بيت الاولى وكبيته برا رغم انه كلفني مبالغ ورديت اثثت من اول وجديد ) وشهرين عسل وقصور افراح وطقاقات ووووو ....



اضافة ان لي طفلين من الاولى و الثانية .

تقريبا انا على وشك العيش على راتبي فقط وهو زين بس مو اللي يقدر يزوجني مرة ثالثة زواجة محترمة تبيض الوجه .


اقترح علي صديقي الخاص اختيار مطلقة نظرا لخبرتها في الحياة و ماراح تشوف حالها علي لاني مطلق مرتين اضافة الى انخفاض تكاليف الزواج منها .

بس اعرف نفسي عفن والله ونفسي غيورة جدا وماقدر اتخيل ان احد لمس زوجتي فما بالك انه كان لها زوج سابق حتى لو هي كارهته .

والبكر الحين من اللي ترضا بشخص مطلق مرتين ومعاه طفلين ووضعه المادي اصبح اقل من عادي .


وحتى لو لقيت بكر راح تكون كبيرة في العمر او قبيحة

يعني صغيرة وجميلة ميؤوس .


فكرت وفكرت وفكرت اروح الى احد الدول العربية واخطب منها بس ايضا اخاف اكرر تجربة الفشل مرة اخرى لاختلاف الثقافة او الجشع المادي .


مادري احس اني قرفان من عمري والله .


ارشدوني ...