المشاركة الأصلية كتبت بواسطة أم الطاحوس

عزيزتي .... ابتعدي تماما ً عن حليب البودرة بجمييييييييييييع أنواعه ... واستبدليه بحليب سائل طويل الأجل ( الصافي - المراعي - السعودية ..... وغيرها من المتوافر في منطقتك )
حاولي تستخدمي الدواء اللي قلت لك عليه ... واذا مو حابه تداومي عليه فمو مشكله بس لازم تعطينه دوفولاك لفترة اسبوع على الأقل لحد ما ينظف بطنه وبعدين حاولي تسوين له نظام غذائي ...

مثلا ً بلاش تستخدمي السكر في التحلية واستخدمي العسل ...

حاولي تشربيه مويه كثير ... وأعطيه سوائل متنوعه مثل عصير البرتقال - العنب ... جدا ً مفيده في حالته ...

خليه ياكل فواكهه ... مثلا ً البطيخ ... قطعي له مكعبات وشيلي البذور منه وخايه ياكله بالشوكه ... او العنب ..

او سوي له سلطة فواكهه بالآيسكريم ... بس اخلطيهم مع بعض (أقصد في الصحن) بحيث تكون المكونات متداخله وبكذا ماراح يقدر ياكل الآيسكريم ويخلي الفاكهه !

مرقة اللحم او الدجاج ... فعاله في موضوع الأمساك ولها مفعول مليّن .... سوي له شوربه ... وحطي الصحن قدامه وخليه ياكل بنفسه .... وكافئيه اذا خلص الصحن ...

ابتعدي عن البطاطس والرز المصري ... فهي تمسك البطن ...

وقبل كل شيء كوني صبوووووره وبالك طويل ... لأن الموضوع صعب شوي عليه المسكين ويألم ...

أهم شيئ ... واتمنى ماتهملين نصيحتي عشان ماتندمين بعدين ...لازم لازم لازم المليّن ... لأن كثرة الأمساك راح تسبب لأبنك لا سمح الله شرخ وبعدين راح تكبر المعاناة مثل ماهو حاصل لي مع ولدي ...

طمنينا عليه ... وما يشوف شر ...