المشاركة الأصلية كتبت بواسطة bunney

اختي هذا اكبر غلط انتي سويتيه اب حق نفسك
تدخلين غريبه البيت و الفضول الزايد ساعات يودي للهاويه اختي ...جدتي كانت دايما تقول حق عماتي اياكم و تدخلون صديقاتكم بيتكم و اياكم و تخلون احد يعرف خصوصياتكم ..جدتي كانت تعشق جدي و لكن صديقتها كانت عمل بالضبط الي تسويه صديقتج و فجاه جدي تزوج صديقة جدتي ... اختي الي ما يستحي منج لا تستحين منه اذا دخلت غرفتج منعيها اب كل حزم هذي مملكتج و مكانج و اذا ما دافعتي عنه ياخذونه منج .. انتي اختي ما تدرين شنو بالقلوب !! ممكن حاطه عينها عليه .. هل تتصرف جذي مع غيرج ولا بس وياج !! اختي انا اقول ابعد عن الشر و غنيله .. وخري عنها و لا تخلينها تدخل بيتج ..ماله داعي تسلم على زوجج و تسال و لا له داعي اصلا تستعمل مكياجج !! اختي اذا فيها شيء معدي تعاديج المكياج جدا خصوصي !! انا اختي ما اخليها والله !! غير هذا اختي شنو يعني تركض اتدش غرفتج صراحه نرفزني برودج و ردة فعلج السلبيه !! هذي امور شخصيه !! اشحقه تنبش !! على شان باجر تقول حق زوجج انج تقولين حقه كل شيء و تسويلج مشكله !! انتي ما تدرين اختي !! ليش كلهم غير الا اهيا !! شنو السر !! ما سالتي نفسج !! مره ثانيه اذا زوجج موجود لا اتدش بيتج من اساسه قولي لها انا مشغوله سامحيني مره ثانيه و قللي من الطلعات !! شنو يعني تقولج خل زوجج ايي اهيا ما عليها اصلا من زوجج !! اختي ارجوج فتحي حواسج و وخري عنها لانها ناويه شر و الموضوع واضح من عنوانه
اختج بني