شوفي حبيبة البي ....
لا تحسسيه انك محاصرته والا مقيدة حريته لان النتيجة بتكون عكسية يعني كل ماكثرتي اسئلة وحصار كل ماعند معاكي لانه يحس انك تبغي تحرميه من شيئ هو يحبه
حاولي تشغلي نفسك باي شيئ وهو برا البيت يعني (( شيلي هالموضوع من راسك شوي )) قولي لنفسك الساعة اللي نقضيها بزعل ونكد ممكن تصير ساعة سعادة لو تغاضيت شوي .... انا كنت مثلك اتضايق وازعل واسوي كل يوم دوشة واتعب اعصابي وانكد على نفسي وثاني يوم يرجع للسهر !! ومين الخسران بالاخير ؟؟ انا اتعبت اعصابي ووترت حياتي وهو ولا على باله بالعكس ممكن يشوف اني وحدة نكدية واكبر المواضيع واعطيها اكبر من حجمها
عشان كذا صرت اتغاضى واذا رجع اسولف معاه واضحك (( عادي )) واحيان امل من الانتظار وانام .... لكن تعرفي وش كانت النتيجة ؟؟؟ والله صار مايحب يسهر وصار يرجع البيت بدري !!!!!!!!! ولو تاخر في السهرة يرحع 12 بالليل بالكثير
عزيزتي ... خذي الامور ببساطة ولا تعقديها والله مافي شيئ في الدنيا يستاهل ننكد على نفسنا والا نقضي ساعة من عمرنا بنكد وهم ... والرجل يكفيه اللي يعانيه في العمل برا البيت فكوني انتي الواحة اللي ينسى فيها كل همومه ويعيش فيها احلى لحظات عمره
اعذريني على الاطاله بس حبيت انك تستفيدي من تجربتي
وتمنياتي لك بالتوفيق والسعادة الدائمة