السلام عيكم اختي تيرا

والله كانك تتكلمي على ولدي قبل بس اللحين تغير كثير

شوفي اختي ولدك عنده طاقات كبيرة ولازم يستغلها بس هو جالس يستغلها بشي غلط وانت لازم توجيه صح بس بطريقة غير مباشرة لان الولد العنيد مستحيل تجي اله بطريقة مباشرة لان راح يرفض ويعاند بشكل اكبر

اعطيك مثال خذي اله اللوان ودفتر رسم بس كبير مرة ولاتقولي اله تعال لون ولا شي جلسي انت لوني وارسمي وبيني اله انك فرحانه وانت تسوي راح تلاحظية يجي من حاله يجلس ويرسم معاك واستخدمي العبارات المشجعة دايم ولدي بطل ولدي شاطر وهادىء وحطي بهار من عندك ههههه

اختي بالنسبة للعقاب انا حددت سراميك بالصالة وبغرفت العيال وحطيت عليها وجه حزين ولصقته على السيراميك واي تصرف خطأ لازم يعاقب ويجلس عليها لفترة معينه لازم تحطي للولد الصور وخصوصا في سنه لان ما راح يعرف بالكلام فدايم تصرفي معاه بطريقة غير مباشرة وبطريقة الصور

ولما يجي يعاند لاتقولين اله لاتسوي كذ1 بالعكس أعطيك مثال
ركوب الاطفال على شي مرتفع
لاتقولي اله لاتركب وخصوصا الطفل العنيد لان بزيد عناد وبواصل قولي اله زين اركب اكثر حتى بعدها تطيح وتنكسر رجلك ولاتقدر تلعب مع الاطفال الباقي بعدين وهكذ1 بس استخدمي هذي الطريةق بحذر ودقة

ولازم لأي طفل جانب تعزيزي وبقوة وخصوصا الطفال المشاكس والعنيد زي مثال

انا سويت الي عيالي شجرة وكل عمل صحيح يسونه احط لهم تفاحة بالشجرة بس ما اقول لهم ان اانا الي احطها اقول لهم طلعت لكم تفاحة بالشجرة يعني انت صرت ولد شاطر واجلس امدح فيه وبعد كل 3 تفاحات اجلس الصبح بدري قبلهم واحط لهم بالسرير جنبهم تفاحة حقيقة ولما يجلسو ويشوفها اقول لهم هذي هدية من الشجرة لانك مبدع وشاطر ولازم تاكلها وهم انواع الوناسة والفرح من التفاحة وياكلوها وكل ما زاد السلوك الصحيح اخذهم الملاهي يلعبون ويطلون طاقاتهم

اتمنى اني افدتك << أحس تكلمت كثير هههههه ^_^