برتقاله يا جميله الف مبروك على نجاحك ويا رب عقبال نجاح ترجيع الأجنه ونبارك لك على الحمل بتوأم يا رب
اضحكك علي شايفه البنات عمالين يباركو لأورانجيه استغربت قلت هو في حد جديد انضم لينا ولا ايه وادور تاني في المشاركات مع اني متابعه يوميا حتى لو ما كتبتش وفين وفين على ما استوعبت انك انتي الأورانجيه
حلومه نورا دلوعه ام الأموره اخباركم ايه يا احلى امهات واخبار بيبيهاتكم ايه يارب دايما في احسن صحه وحال
ملوكه يا حبيبتي طمني قلبي عليكي مينفعش سكوتك دا ربنا يهديكي وتردي علي
بنات اطمنكم انا كنت عند الدكتور امبارح مع ان ميعادي معاه كان يوم الخميس الا ان بطني كانت واجعاني قوي فرحت له امبارح والحمد لله طمني على البيبي وحاول يعرف هو ولد ولا بنت لكن البه ولا الهانم قافلين رجليهم وفين وفين فتح رجله وقالي في الغالي هي بنوته لأن شاف بين رجليها علامه على السونار زي علامه يساوي وقالي ان العلامه دي غالبا بتكون بنت اما الولد بنشوف حاجه بين الرجلين واضحه وما زال غير اكيد ولكن بنسبه 80% بنوته وطلب مني اعمل سونار تفصيلي للإطمئنان على الأجهزه الداخليه للجنين (الدكتور بيتعامل معايا على اني حاله حرجه جدا وبياخد كل الإحطياطات من تحاليل واشعات لدرجه اني افاجأ اني بعمل حاجات الناس مبتعملهاش بس بيني وبينكم انا مبسوطه للإحطيات دي ولو ان الحذر لا يمنع قدر لكن احنا بنعمل اللي علينا والباقي على ربنا) ادعولي ربنا يكمل لي على خير ويرزقني بالنوته اللي نفسي فيها اذا كان فيها الخير والصلاح يارب
عقبالكم جميعا يا حبيباتي واباركلم جميعا قبل رمضان ويكون شهر البركه علينا جميعا يارب
بحبكم في الله