معليش تعليق على على موضوع السعودية...

بما اني سعودية.. لا كثير شباب يفضلون الزواج من بنات الخارج.. لانه بالسعودية مشكلة حقيقة عندنا.. الكذب..

الرجال اذا تزوج اجنبية راح يمدح فيها لين يصورها للرجال ملاك.. ويمكن هذا بس كذب بكذب.. وفي حال تزوج بنت بلده,. يصير ما يتكلم عنها ابد ويشوف كل طلب منها شئ كبير... ومستحيل يمدحها عند اصدقاءه.. على اعتبار انه عيب..


ومع كثر الكلام يصدقون الشباب انه البنت السعودية ماهي رومانسية... انه طلباتها كثير... مع انه العكس هو الحقيقي.. انه بنت الاجانب يمكن زواجها يوم رخيص ولا هو كلهم(( لاني اعرف اجنبيات مهورهم 90 الف.. يعني مهر 3 سعوديات.. )).. بس بعدين تبدأ طلباتها في الزيارات والهدايا والا تصالات.. والسفرات وغيره..


فيما نلاحظ جدا بالسعودية كثرة طالبات العمل.. كثير جدا حريم يبحثون عن عمل.. وفي حال الموظفات اكثر راتبها تصرفه على منزلها ونفقات البيت.,. وشراء ملابس وهدايا لازواجهم... وكثير جدا جدا من السعوديات من هي تشتري ملابس زوجها.. ومع ذلك ما يجاب له ذكر.. نادر جدا جدا جدا جدا رجال يمدح بنت بلده..

والله اعرف اجنبيات مسويات بازواجهم الويل.. لكن ما يقدر يذمها.. عشان ما احد يلومه..



عشان كذا يصدقون الشباب..

ارتفاع المهور شئ من الماضي زمان كانوا الجدات اطنان الذهب.. بس الان باكاد تشتري طقم.. والزواج حتى ما عاد في صالات الافراح يصير الان بالاستراحات.. ومهر البنت اليوم منخفض بالسعودية الا في العوائل القليل ..

المهر صار 15 الى 35 الف وهذا اليوم ما يكفي طلبات البنت في ظل ارتفاع اسعار اللي بكل مكان.. يعني لو يصدر امر من الدولة انه يحدد قاعات الافراح 10 الالف.. شامله طبخ الاكل..10 الالف ايجار الشقق.. كان كل الشباب تزوجوا... مثل ما صار تحديد مهر..

والبنات الان قليل من تتشرط مثل زمان..هذي فكره مرسخه في البال.. لكن ماهي بالحقيقة الا في القليل من العوائل..

والحين البنت المتوظفة هي من تأثث الشقة وتسوي قاعة ليلة العرس..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء