التذبذب هو السبب في عدم انقطاعه ..

حتى لو مليتي وقرفتي يا اختي اثبتي على وضع واحد ...لانك شتتي الولد ..

أؤكد لك من تجربة الموضوع ما راح ياخذ معك اكثر من 7 الى 9 ايام والولد ملتزم ..


ونصيحة ...من تجربة برضه


خلي قيصرية الطفل خارج الحمام .. جنب الباب مثلا ...في مكان يشوفه دائما ..

وكمان ...انتي كل ربع الى عشرين دقيقة خذيه من يده وجلسيه على القيصرية واجلسي عنده واحكي له حكاية او غني معاه .. او جيبي كتاب واقري معاه ..

شوي شوي يتعود ..

ولا تنسي التعزيز ...في كل مرة يسويها في المكان المخصص اعطيه مكافأة وصغيرة جدا ..

مثلا ...حبتين امنمز ... مش كيسة كاملة ..بس حبتين ..وخلي الكيسة في مكان قريب ..يشوفه ولا يطوله

لكن نصيحة لا تلبسيه الحفاظات اللي زي السراويل لأنه يستسهل يعملها فيها ..

الحكاية يبي لها بس صبر واعملي اللي قلتلك عليه بالحذافير تلاقيه تعلم في اقل من الوقت اللي قلت عليه كمان




فكرة كنت عاملتها لأولادي ساعدت ايضا بالاضافة الى ما سبق ...واذا لم تستطيعي فيكفي ما سبق ..

كنت جايبة لهم قيصرية فيه حساس للماء والحاجة الثانية ...فأول ما يعملوا تلاقيه طلع اصوات وموسيقى فيصير الطفل يحرص انه يعملها هناك علشان يسمع هذا المعزز..


حاجة مهمة ايضا : لو حصل وبلل او وسخ نفسه وعلى ملابسه ...احذري ان تظري له ضيقك ..فقط بكل هدوووء خذيه من يده الى غرفته وغيري ملابسه ..وان استطعت ضبط نبرة الصوت فقولي له بحناااان : المرة الجاية يا حبيبي نسويها في الحمام ..علشان تكبر وتصير رجال زي بابا .. شوف بابا ما شاء الله عليه يروح الحمام ..وانا اروح الحمام ...وانت كمان رجال والمرة الجاية بنروح سوا للحمام ...صح يا حبيبي ؟


صدقيني ان اللين نتائجه باهرة ..



اتمنى انك تنفذين اللي قلت لك عليه وتبشرينا بالنتيجة ..




دمتي في حفظ الرحمن,,