والله يا أختي مهما حاولتي تجميل الواقع فأنتي زوجة متسلطة بمعنى الكلمة لا تغالطي نفسك وتغالطينا..
إيش الجرأة اللي تخليك تحاولي تأخذي الجوال من يده وتجري وراه في الغرف علشان تسمعيه.. ولا كمان شايله عليه اللاب توب ويمكن كمان حرمتيه من المصروف..
وكمان قمة الجرأة لمن نزل يكلم نازله وراه من السيارة علشان تسمعي هو إيش قاعد يقول..
إذا كنت مثل ما قلتي كبار وعاقلين وبينكم صراحه وزي كذا كان لمن قام يكلم في الغرفة تتركيه يكلم براحته ولمن يرجع تقولي له من كنت تكلم حبيبي لا يكون بتلعب من وراي مع إبتسامة لطيفة وشوية دلع ولا تنتظري إجابة وهو أكيد ماله عذر وراح يقول لك من كلم..
أما بالطريقة اللي عملتيها بصراااااحة وبدون زعل الأطفال هم اللي يعملوا كذا..
وأخيراً أسأل الله يديم عليكم السعادة والمحبة وتعيشوا بدون شكووووووك..