والله شوفي حبيبتي

يعتمد على الزوج ، اذا الزوج يحب كل شي من يد مرته حبيبته وهو انسان يستاهل ومستعد يتحمل هفواتها يعني مرة ماتتزين له ومرة تقوله جيب الغدا من برا ، ليش ارفض طلبه وما اخليه يعيش مبسوط؟

وفيه ازواج العكس يبغوا الزوجة أميرة ماتسوي شي بنفسها ابدا بس يبغاها تهتم بجمالها واناقتها وانه يشوفها دايما مرتبة ومتشيكة عالآخر

انا عن نفسي وحسب شخصيتي اشوف انه حياة المرأة وقمة سعادتها في اهتمامها ببيتها وأولادها والله ماحسيت الشي ذا الا هالاسبوعين لما مرضت

صرت طريحة الفراش _سلامة السامعين_ والبيت صار مو نظيف وبنتي مو قادرة اهتم فيها وزوجي ما البي طلباته

احس بالعجز ، ونفسيتي في الحضيض

احس المرأة مثل النحلة وبيتها بستان ، تنظف غرفة النوم ، تروح تطبخ ، تهتم باولادها ، تقوم تتزين قبل وصول زوجها ، حياة كلها حيوية ونشاط

بينما وجود الخادمة معناه خمول وكسل واعتماد

هذه وجهة نظري

لكن في المستقبل اذا صار البيت كبير والاولاد كثير الله اعلم ايش بيصير خصوصا انه صحتي على قدي

احترامي