قالو لي اللي ببطنـي ميت ؟؟ ساعدوني ارجووووكمـ
مرحبا
انا توي متزوجة من حوالي شهرين ..
وقبل لا اسافر بشهر العسل كنت توي غاسله واول مارجعت ماجتني الدورة وحللت وطلعت الحمدلله بفضله حامل ... طارت بي الدنيا .. رحت اشتري ملابس للبيبي بدون تفكير شنو بيكون جنسه 
ورحت اول موعد لي للدكتورة وانا تقريبا بالاسبوع السابع ( حسبته بنفسي من خلال اخر دورة لي )
والدكتورة باول زيارة قالت لي انتي في الاسبوع السابع بلس ..
وعطتني موعد بعد اسبوعين ولما رحت لها قالت لي انتي مازلتي في الاسبوع 7 ..!
وعطتني موعد بعد اسبوع .. ولما رحت لها قالت لي مازال البيبي بالاسبوع السابع ..!وانا مفروض على حسبت اخر دورة لي اكون بالاسبوع التاسع !! وهم عطتني موعد بعد اسبوع ..
وهذا الموعد يكون اليوم بس كنت عند دكتورة ثانية .. وقالت لي مازال حجم البيبي صغير ومايبين النبض وكانت تبي تفحصني من الداخل بس انا ماواقفت فقالت لي اللي اقدر اقوله لك ان 50 بالمية البيبي مافيه شي و 50 بالمية ان البيبي راح يسقط وسألتني اذا نزل علي دم او شي بني ..
وانا قلت لها لا ..
يعني مافيني آلام ولا نزل علي دم !!
وبنفس اليوم رحت لدكتورة بعيادة خاصة قالت لي ان حجم الكيس يدل على انك في الاسبوع الثامن بس البيبي حجمه في الاسبوع السابع ومايبين فيه نبض وكتبت لي موعد لتنظيف وقالت انه ميت !!
طيب هل ممكن يكون البيبي صحيح في السابع ولسه النبض مايبين ؟ والا خلاص اكيد ميت ؟
هل يججوز انا حملت متأخر ودورتي تلخبطت بعد الزواج فماحسبتها صح؟
فيه حد صار له مثل حالتي
ارجوكم ساعدوني .......!