اخوي الحزين 2006 ماتتخيل وشلون متفهمتك وتعاطفت معك ودمعت عيني لاني مريت بهالشي

انا من شهرين كنت مملكه وفكيت لنفس السبب لعدم الاقتناع الذي لم يبارحني من اول يوم الملكه الى اخر يوم اللي انفصلنا فيه ولمده شهرين كاملين ماشفت فيها من ولد الحلال الا كل خير

وكنت مثلك غير مقتنعه بدون ذكر الاسباب ومجامله لاهلي ولااسف اللي طلعت فيه هو ورقه طلاق طبعا قبل الدخول ملكه بس
والاعراض اللي تقولها انك ماتحس بطعم الحياه واهملت صلاتك وتاخرها كلها جتني وللمعلوميه هذي كآبه لدرجة ان اهلي صفوا معي ورحموني لانهم شافوا حالتي

بس انا غيرك في نقطه اني تلاحقت نفسي وعرفت قدري وطلبت الطلاق بعوض ورجعت له كل شي وتحملت الجانب الاجتماعي من الموضوع اللي حيقابلني بالمستقبل خاصه اني بنت

اللي تعلمته انه اذا الشخص غير مقتنع وضحكته شاقه الوجه لايقدم على هذي الخطوه لانه هذي عشره عمر وحياه

معليش كلمة الحق تعور لكن لك الحق بالنظره الشرعيه وحتى ممكن تطلب مره ثانيه اذا ماشفتها زين لان منها الراحه النفسيه وبعدين انا مع الزيارات وقت الملكه لانه يضع الخطوط العريضه للعلاقه الشرعيه وانا حسيت اني ماراح اعيش معه واتقبله ففكيت خلال تلك الفتره

ايضا مفروض لما تزوجتها وماكنت متاكد مفروض استعملتوا موانع لكن هذا كلام ماكول خيره لانه اللي فات مات

انا مع اللي قالوا انه مو غلط اهلها لانك مفروض اصريت على النظره الشرعيه ومليت عينك منها ويحق لك هالشي او تتركهم البنات غيرها كثير يعني بقولك انه موغلطها هي

بس في هذه الحاله لازم ترسي على بر في علاقتك معها ولا راح تتعب وتمرض يعني بعد هالمده وبينكم بيبي لازم فيها جوانب حلوه تتحببك فيها حاول انك تتقبلها وتتعامل مع وضعك الحالي وتحتسب الاجر في الستر واللقمه الي تاكلها اياها

انا صراحه ضد الطلاق بعد الدخول الا اذا استحالت الحياه وكمان لاتنسى الطفله اللي بينكم اللي حياثر فيها الطلاق اذا قادر تتزوج ثانيه والا لا بس لاتطلقها مالها ذنب الانسان لازم يتعامل مع قراراته ويتحمل النتيجه والعواقب ومشكلتك انك تاخرت كثيييييييييييير

هذي كلماتي لك وانا جرحي لسه طري لاني من اسبوعين فكيت الله يسعدك وييسر امورك ويهدي سرك ويعوضني امين يارب العالمين