السلام عليكم

اخوتي في الله و في هذا المنتدى الافاضل
لا أبالغ ان قلت بان هذا المنتدى هو المرجع الوحيد لي في الامور الزوجية و الاجتماعية وقد طرحت عدة مواضيع ووجدت الرد بشكل رائع

كما تلعمون ان عرسي بعد شهر تقريبا ان شاء الله

القصة وما فيها اني سمعت عن قصة صايرة مع احد اقاربنا (ابن خالة ابوي) وهي قصة تشيب شعر الراس
القصة هي بان هذا الشخص المسكين انتقل سكنه الى منطقة جديدة بالطابق الاول وهو يخرج من بيته الصبح على الشغل وما يرجع الا آخر الليل. واذ بالجيران بيراقبوا بيت هالجار الجديد وبيشوفو بانو بعد خروجو بينترك باب البيت مفتوح وبعد شو بيدخل رجل الى البيت وبيبقى ساعة او ساعتين بعدها بيطلع وبيروح
فبقيوا هالجيران الاكارم يراقبوا هالشي حتى تاكدوا من الموضوع قام في يوم من هالايام وهو هادا الرجل دخل جوا البيت اتصلوا على رقم الزوج وقالوا له في شي حد من اخوتك يجي لبيتك الصبح بعد ما تروح قلهم لا قالوا له معناها في رجل غريب كل يوم بعد ما تروح يدخل البيت روح البيت وشوف مين.
واذ الزلمة فورا راح على البيت وصار يدق الباب بس الباب مقفول من جوا وطولت لفتحت الباب وبعد ما فتحت دخل يدور بغرفة النوم وبالبيت اذا في حدا فما شاف حدا وفورا نزل على مدخل البناية واذ شاف اولاد صغار قالو له عمو فيه واحد نط من بلكون بيتك وطب منو هادا الباكيت والقداحة فتأكد بانو كان حدا جوا البيت وهرب وعند عودتو للبيت ومفاتحة زوجتو بالموضوع انكرت كلشي فبعتها بيت اهلها وانخرب البيت ...
لا والاحقر من هيك صار لو متزوجها اكتر من 15 سنة وعندو ولدين صغار واحد 10 والتاني 5 وعند سؤال الصغار عما كان يحدث قالوا بانه كان كل يوم ياتي رجل غريب يعيط علينا ويقلنا اقعدوا ولا تطالعو صوت ويدخل هو و ماما غرفة النوم ويسكروا عليهم الباب
والانكي من كل هادا بان اهلها ادعوا بالقضاء على الزلمة بانو بدهم المقدم و المؤخر و شرفية لاتهامها في عرضها
حسبنا الله ونعم الوكيل
المهم انا لما سمعت هالقصة صار الشيطان ياخدني شمال ويمين ولما شفت خطيبتي حكيتلها القصة وقلتلها حبيبتي انتي اكيد مو هيك وانت اشرف بنت بعرفها بس اذا بيوم من الايام بلعب الشيطان بعقلك وبتفكري تعمل شي متل هيك اعرفي انو نهايتك على ايدي

فانزعجت لاني بحكي معها بهالطريقة وانو هالشي كان عبتهمها اتهام بهالشي وحاولت ااكد لها بانو معنى كلامي انتي موهيك بس اذا اجا شي يوم سافل من هالايام وحدا من الجيران او او او لعب بعقلك وصار هالشي فاكيد ما رح ابعتك عن اهلك متل ما عمل هادا الزلمة ولا رح خبر الشرطة ليقبضوا عليكم بالجرم المشهود لا بل بدي اخلص عليكي بايدي
وبعدها رضيتها بكلمتين حلوين

اخواتي الكريمات في هذا المنتدى في فترة الخطبة لو تعرضتوا لهيك موقف شو بيكون تصرفكم الصحيح وهل انا غلطت بهالتنبيه الشديد اللهجة

شكرا كتير و الله يجزيكم الخير

وبالنهاية ما بقول غير حسبنا الله ونعم الوكيل اللي بيخربوا بيوتهم حتى انو الرجال صار في حيرة غريبة هل ان هؤلاء الاولاد اللي قدامو اولاده الا لا و وين بدو يخبي وجهو من العالم ومن الصغار في بنت فلما بدها تكبر كيف رح تتزوج اذا كانت امها كذا....