سبحان الله كتبت لك كلام طويل وبعدها انحذف عليا

المهم

ترى هيا اظنها مابلعتك كتير بسبب تصرفاتك وكلامك ...... كنت المفروض تكون اثقل من كذا ... جزاك الله خير على الجوال بس كان تسويه هدية وتجيبه بطريقة حلوة

اهم شي عند البنات اللباقة وحسن التقديم والكلمة الحلوة والضحكة لا تعاملها على انها رجل ؟؟؟ لا تقول لها حسسيني اننا في الزواج او متزوجين انتا اللي حسسها بطريقة لطيفة

- يوم حفلة الملكة ماجبت لها خاتم جبت لها طقم كامل . زعلت تقول وين الدبلة اقولها جبت لك طقم كامل تقول لا ابقى دبلة . رحت جبت لها دبلة لبستها كم يوم وطفشت منها وماصارات تلبسها . ووجهها في الحفلة مكتمة بعد ماراحو الناس وجلسنا لوحدنا وجهها مكتم . اشفيكي يابنت الناس مكتمة بعد ماطلعت روحي قالت عشان الدبلة .

كان من المفترض انك تجيب دبلة يالله قدر الله ومشاء فعل كويس جبت بعدين لانو البنات يحبو انو البنات يشوفوهم مملوكين وانها صارت عروسة

لمن بعد يومين لمن ماصارت تلبس الدبلة ؟؟؟ كنت انتا المفروض ماتسالها ولا تكلمها على الدبلة ؟؟؟ تطنشها بطريقتها هذي كانت تبغى ممكن تغيظك او تقهرك يعني شوف ماتهمني الدبلة ؟؟؟ كنت لا تسالها ولا تعبرها عارف ليش حتقول هيا اشبه مااهتم عكست اسلوبها اللي كانت تبغى تغيظك فيه


ترى في الملكة كانت مكتمة يمكن حصل لها شي في البيت او تسوي حركات كنت تسوي نفسك عادة وكنت انتا تضحك ولا عليك منها والله الفرحة بالقلوب لووووووووووووول مش بالوجوه

بدري على المدح لان البنت استعجبت منك كيف تمدحها وانتا لسه ما جلست معاها مزبوط اي امدحها بشي بسيط وحبة حبة لا تدخل اظن شافتك مفجوع فسحبت خطها وتركتك ؟؟؟؟ وظنتك من العالم اللي ينفجعو على الحريم ماهم تقيلين

المهم

اياك والاستخفاف وخلك رزين لمصلحتك لانها شكلها فاهمة البنت وفاهمة كيف تتعامل وتجس نبض الرجال وانتا طلعت ياروح امك حنون وحبوب وتبي الحياة الزوجية المثالية

انتا الحين عاملها بالمثل بعض البنات تجيهم بالخير يصدوك فمالها الا المعادلة بالمثل

طنشها لمصلحتها لمدة اسبوعين كاقصى حد ؟؟؟

وبعدها حتتصل عليك حتقول لك وينك مغيب ؟؟؟؟ طبعا حتسمعك كلمات ممكن ماهي بزينة دام تقول من بدري كذاب ؟؟؟

قول لها ربنا مغنينا والحمد لله

المهم لا تجاوب لها بصراحة الحمقى ولكن كن لبقا

وحاول لاتطول معها كثير اذا ماقدرت انك تكلمها لا ترد حتى تعرف قيمة الرجال وانك انتا تيتك كانت حلوة لكن معاملتها كانت مو طيبة

خفف الزيارات كثير لا نها بعدين زوجتك وهيا الخسرانة ترى مش انتا والله هيا اللي حتنحرم من ايام الملكة بسذاجتها وسماعها لكلام الناس

ودتا بخير