مساعدة لحفلة أختي , نوران تطلبكم
السلام عليكم و رحمة الله و بركاته
من ليلة أمس و أنا حيرانة فقلت ماليش غيركم أستشيركم
أنا إن شاء الله عايزة أعمل حفلة مفاجأة لأختي الوسطية
بمناسبة تخرجها من الثانوية , و إن شاء الله أعملها في نفس يوم وصولها من السفر بإذن الله
أنا حتى الأمس كنت عادي و أخطط و أعمل قوائم للمشتروات و بدأت ببعضها
لكن تبقت الكثير من المواد أحتاج أروح كارفور لإشتريها
المهم كلمت خالتي عشان تاخذني هي و زوجها في الغد إن شاء الله
( طبعا إنتم عارفين إني جديدة هنا يعني لو رحت لوحدي أضيع )
المهم سألوني إيه اللي ناوية أعمله في الحفلة
قلتلهم
فطاير جبنة
فطاير بيتزا
فطاير النقانق بالأورغانو
ميني توست بالبرجر البيبي و صوص الجبنة
بيتزوا دوار الشمس
سمبوسة
الكيكة المالحة
سلطة فتوش
الحلا الخطير بتاعي
و تورتة
و تشيز كيك أو كيكة القرفة
و طبق مقرمشات ( شيبس )
و مشروبات
أول ما سمعوني قالولي احنا داخلين فرن و لا ايه ؟
ايه كل المعجنات دي ؟ و فين الأكل الرئيسي ( العشا )
قلتلهم مفيش عشا , دي حفلة و البوفيه بتاعها بيكون معجنات و حلويات
قعدوا يتضحكوا و يقولوا انتِ مفكرة الناس حتقتنع بالفطاير
و ايه تشيز كيك و أكل الدلع ده ؟
و قعدوا يتمسخروا ساعة على قائمة الطعام
قلتلهم أنا عاملة الأكل اللي أختي بتحبه و عندنا احنا متعودين على المعجنات في الحفلات
فكملوا ضحكهم علي
و قالوا المفروض تعملي فخذتين لحم مشوي مع رز عنبر و تورتة بس
أما باقي الهبل ده لأ !!!!
أنا بصراحة مش مقتنعة إن حفلة نجاح يكون فيها لحمة و رز !!!!
قعدوا يمكن ساعتين يقنعوني و يقولوا الناس هنا بتحب الأكل
و البوفيه الدلع بتاعك حيضحكوا عليه
قلتلهم يضحكوا أنا المهم عندي أختي
يعني بالذمة البنت تفرح إزاي ؟؟ باللحمة و الرز ؟؟ يعني ايه الجديد
و بعدين خواتي الإتنين بياكلوا اللحمة غصب
قلت أتحجج بإني مش بعرف أطبخ الحاجات دي , فقالولي اشتريها و احنا نعملها
في النهاية حسيت بالضيق و مش عارفة أعمل ايه ؟؟
يعني حفلة نجاح فيها تقريبا 12 شخص أو أكثر قليلا
ما علاقة الرز و اللحم بالموضوع ؟؟
و هل فعلا الطاولة سيكون شكلها مثل المخبز ( الفرن ) ؟؟
أنا متضايقة لدرجة إني فكرت ما أعزمهمش , لكن المشكلة إن الخبر حيوصلهم في نفس الدقيقة من جدتي و خالتي التانية
لكن الكلام حسيته طالع منهم مش من العادات في الحفلات
مستنية ردودكم , محتارة أعمل ايه
__________________
سبحان الله
الحمد لله
و لا إله إلا الله
