المشاركة الأصلية كتبت بواسطة dialays

السلام عليكم ورحمة الله وبركاته
بصراحة بدي أقول لك اشي حلو كثير وان شاء الله ما بكلف لأني لما ولدت بنتي الصغيررة حلا وطلعت من المستشفى سوالي اياه زوجي لما دخلت على البيت لقيت في كل غرفة باقة ورد محطوطة في مزهرية وغرفة النوم فيها بلالين منفخة لونها أحمر معبية الأرض وكان جايب قلوب بلاستيكية بتيجي مع عصاه حاطط مجموعة في مزهرية ناعمة وجاب كفر منظر للتخت ولعبة معلقة على تخت البيبي على شكل نحلات كثير عجبتي حسيت حالي مش داخلي على غرفتي الصراحة نعنشت نفسيتي خاصة بعد الولادة
بس صراحة الأهم من هذا كله وجود الحب بينكم وانك تعتني فيها قد ما تقدر صراحة الزوجة بتكون نفسيتها مثل العمى فترة النفاس لأنها بتكون قرفانه من نفسها لاحظ أنها كل يوم بتحمم وبتضل تتعطر وبتضل متضايقة من حالها بعدين البيبي بيضل يعيط ويأخذ وقتها وخاصة في الليل بتكون الزوجة حساسة كثير لأتفه الامور دير بالك وصراحة لازم تتساعد معها في البيبي يعني مثلاً إذا كنت موظف خذ لك ثلاثة أيام اجازة بتلاقيها حلوه إنك اهتميت فيها وما تقول فيه امي أو حماتي الوحدة بتحب زوجها يهتم فيها اكثر من أمها أو حماتها وحاول البيت ما يكون فيه ناس بإستمرار خاصة شغلت المبيت لأنه الزوجة بتحب تأخذ راحتها في بيتها وأهم شيء تروح على منزلها مش على منزل أمها أو حماتها وإن يربى البيبي في عزكم وتزوجوه والله يوفق تنزقف مبروككككككككككككككككككككككك النونو ووووووووووووووووووو