اقتباس:
المشاركة الأصلية كتبت بواسطة ملَك شادي
اول شي مشكلة الجدل والخلافات لازم تقعدي مع زوجك وتحكو بهدوء لانو مافي احسن من الصراحة
يعني ببساطة اقعدي معاه واحكي بالاسلوب الي بحبو
بهدوء ورومانسية وحب
وكل متيجي تحسي انو بدا يعصب احكيلو ياحياتي احنا قاعدين بنحكي بنتناقش لاتزعل
خليكي هادية جدا
وبشكل عام يااختي الرجال مابحب الجدال الكتير كلهم هيك حتى زوجي
فما في داعي لكترة الجدال لانو بيفلق القلب صراحة
بالنسبة للغربة
انا الي سنة و 4 شهور متغربة في بلد عربي
والحياة ملل بشكل لاتتصوريه لكن اتاقلمت و الحمدلله
واولها عانيت جدا
ولازلت للان اعاني
ودوام زوجك طبيعي كل الناس الايام هاي هيك لانو الحياة صعبة وبدها شغل كتير
وانا زوجي سافر واحنا لسة عرسان النا شهر
والسنة الي راحت كان سافر 7 مرات فيها
وكل المرات ابقا لحالي طبعا
والفترة الي فاتت كان يتاخر كتير بالشغل تدرج الامر انو بطلت اشوفو ابدا
والان لما رجعنا للوضع العادي
عااادي بيرجع من الشغل الساعة 6 بينام وبيصحا وبنقعد اكم ساعة وبنرجع ننام
هيك الحياة خلال اسبوع العمل عند اغلب الناس
فعادي جدا
واحمدي الله احسن من غيرك بضلك
وعفكرة كترة الشكوى بتدايق الرجل
انا كنت دااااااااااااايما انتبه عحالي
مااكون نكدية او شكاية
وبراقب نفسي انو مااكون متل هيك
رغم انو بتمر حالات مابسيطر عحالي فيها
واكون عصبية و زوجي يتحمل وبالاخر ينفجر
لانو كنت ازودها في دلعي
لهيك راقبي نفسك لانو بالاخر بزهق منك وبقول هاي زهقتني وهية بتتشكون
واشغلي حالك بالقراءة والدورات وفي بنتك
والله يفرجها علينا جميعا
|
اشكرك اختي ملك شادي على المشاركه والنصح.
والله الغربه ماهي سهله والله يعيننا, وخصوصا الي عنده عيال صغار صعبه نه يكون هوايات ونشاطات وعلاقاتااجتماعيه, بسبب انشغاله مع الأطفال وتربيتهم.
والله احاول دائما ان اقلل من الشكوى والتذمر ولكن اصل الى مرحلة عدم التحمل والتفجر. احتاج لأن افضفض واتكلم معه عما يزعجني وهو متفهم لذلك ويواسيني ويطبطب علي.
اشكرك