اختي نايت بقولك شئ سمعته من اخصائي اسره..

انتي الحين يصير كل فكرك الزواج بطريقة ما يسمح لك تفكرين بشئ اخر..الحياة بالنسبة لك تترجم في كلمة وحده هي زواج))..

تحسين معها بخيبه امل كبيرة.. وافكار غير منطقية جدا تجيك.. انتي في داخلك تعرفين غير منطقية.. لكن تسيطر عليك.. تبدأ معها مشاعر خوف غير مبرر فيها قلق توتر.. من خلال معرفتي بكثير مت البنات لقيت الافكار منها ما يكون ديني .. كانه تحس انه الله ما يحبها.. او انها تحس انه وصلة مرحلة الكمال بالدين.. ومنها افكار تكون تفكر انه امها وابوها سر تعاستها بالوجود.. توصل مرحلة تفرح اذا ماتوا.. وسمعتها بنفسي من احدى البنات من كثرة الهم اللي فيها كانت تقول مات ابوي وافتكيت منه بس بعد ايش ما وصلني الاربعين وهو حارمني من الزواج.. بس هذي البنت فعلا كان ابوها يرفض يزوجها.. الله يرحمه..

ويحصل فيك ما يشبه توقف الزمن في العقل الباطن.. انتي تخافين تمر الايام.. عشان كذا ما تحسين بالوقت ابدا.. تصحين الصبح ويوصل الليل وانتي ما حاسه.. ما تحسين في الناس.. تحسين كانه الدنيا صارت لون واحد.. ولو تضحكين ما تقدرين... ومن داخلك فاقده هذا الشئ اللي هو الفرح...


ودك تبكين .. ودك تعلنين للعالم انك تبين ززوج.. بس ما فيه احد فاهمك.. من تحضرين مناسبه تنقهرين انه فلانه تضحك مخطوبة وفلانه باقي شهر على عرسها . وفلانه وفلانه..

الدكتور يقول من يجيك سؤال .. ردي بكل ثقة الله ما كتب لي الى الان..

وتذكري انه الان تمرين في ابتلاء ومصاب .. كثري الدعاء والصلاة.. ورددي اللهم اني لما انزلت من خير فقير..

وكثير ادعيه انتي تعرفينها اكيد..


مشكلتنا يانايت.. اننا ما نواصل والعبادة تبي مواصله.. مشكلتنا فقط نسوي الشئ يوم بعدين نمل.. على انه جالسين فاضين..


انتي واصلي وصدقيني راح تجيك تلميحات انه في احد يبي يتقدم لك بتفرحين فيها حتى لو ما صار عرس..


انتي واصلي باقي على رمضان شهر 19 يوم.. خل نستغلها افضل استغلال..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء