الله يسهل عليك وتولدين بالسلامة ..
حاسة فيك .. الانتظار متعب ويهد النفسية ..
أنا مثلك في ولادتي الاولى كل اللي مواعيدهم قبلي واللي مواعيدهم معاي واللي مواعيدهم بعدي ولدوا وأنا يالله رحمتك ..
صار اليوم عن سنة .. واللي حولي أتعبوني اكثر بالأسئلة .. ماجاك الطلق ؟ ماتحسين بألم .. مانزل عليك شي ؟
لحد يوم موعدي الجديد بعد 6 ايام من موعد ولادتي وكانوا يبون يعطوني صناعي .. صحيت الفجر على ألم الطلق ..
سبحان الله ألم حلو .. مايتنسي ..
والحمد لله أنا كنت خايفة من الصناعي أقول مابي أي شي صناعي أبي يجيني طلق مثل خلق الله ..
حتى أبرة المسكن لما كانت بتعطيني أثناء الطلق قلت لها مابيها خلي كل شي طبيعي ..
لأني كنت أقول نسوان أول مو أحسن منا .. وش معنى هم تحملوا وإحنا لا ..
بغيت أخوض التجربة بحذافيرها مايفوتني حتى الألم والمعاناة ..
فأنا رايي من راي والدتك ..
أنتظري مادام البيبي طيب وبخير لا تروحين للصناعي ..
وهو متى ما صار وقته بيطلع بإذن الله ..
طمنينا عليك ..