صحيح أفعالك مثالية ورائعة ما شاء الله لكن دعينا نمشي خطوة خطوة وشوي شوي
الولد هذا ان شاء الله راح يجون اخوانه وخواته في المستقبل
ملاحظتي لتربيتك انتي بديتي تبنين لابنك بيئة خاصة جدا جدا جدا لدرجة ان بكره راح يحس ان اهله وبيته ليسوا مثالييين إلا انتي امه....يعني يوم بتين تمنعينه في كل مرة ما سالتي نفسك ان ممكن ان يقول في نفسه ليش ماما منعتني اليوم اذا ما سال بكره راح يسأل ليش ما خليتيني عندهم شو راح تجاوبين.....واذا منعتي يوم يبات عند جدته ممكن يسال ليش ماما ما خليتيني عند جدتي...
انتي متأكدة انك ما راح تتخلين او تتنازلين بالمرة في يوم من الأيام عن هالاشيا لين ما يشب الولد هو واخوانه وخواته...
لا تبعدين الولد كثير عن عادات اهله انا ما اقول ينخرط فيها اذا ما كانت سليمة لكن لا تعدينه لدرجة انه تكون له حاله خاصة غير عن بقية الأطفال فهذا يولد النقص في الطفل...
اختي الكريمة دوام الحال من الحال هناك عدة ظروف تمر الأم راح تضطر غصب عنها انها تستعين بأحد انه يمسك عيالها عنها....مثل هالمواضيع راح تسبب لك حساسية مع أهلك وأهل زوجك وخصوصا الجدات يا حبهم ومنى عينهم ولد الولد ولا ولد البنت يبات في حضنها يوم او ساعه والله اني اعرف كنه معارفنا من النوع اللي ما تسمع لنصايح ام زوجها في بنتها والله ان هالجدة تدمع عينها وفي قلبها حسرة انها ما تقدر تمسك البنت إلا بشروط وقوانين....
صحيح ان بعض الناس يسمحون لعيالهم كل شي لكن مو شرط عيالنا يصيرون مثلهم ولا يكونون في عالم غريب ومقيد..... اتركيه فعلا براحته يتعرف عى اهله بدون قيود ترا مهما كان الانسان يتعلم ويستفيد من الخطا ترا هاذي بعد تربية ناقصة لنج خليتيه في مثالية عالية.....ممكن بكرة انتي تغلطين قدامه او ابوه او احد من اهله فكيف راح اتكون طريقة تفكيره....
الله يعطيج العافية
__________________
