السلام عليكم

الاخت ام موضي ..... صدقيني حاسة فيك و بمعاناتك ... الله ييسر لك و يفرج همك ... بس سؤالي لك انتي من البداية ليش رضيتي تعيشين مع اهله ؟؟ انا من البداية كان البيت ملك لزوجي ما قالو لي بنقسمة ... لو قايلين لي كان راح اصر على اني ابحث عن شقة زي ما كنا نسوي قبل اقتراح عمي ( ابو زوحي ) ... يعني بالعامي انضحك عللي و تم استغفالي ... تدرين ليه ... لاني هبلةو غبية و طيبة و ساكتة و من اتفة شي يتقطع قلبي و ينكسر خاطري ... مستغلين طيبتي ... اذا جييت اتكلم يلمحون لي اني شريرة و شايفة حالي لاني بنت ( فلان ) و الله عمري ما حسستهم بل اني اخدمهم زي النحلة اذا جو البيت و لا اتذمر بوجههم و لا شي و اذا صرت لحالي اقعد الوم حالي انا ليش كنت كذا غبية ... ليش اضحك و هم يتمسخرون حتى على لبسي ... و اذا اختة الكبيرة شمت عطري تكتم نفسها و تسوي حالها متضايقة من الريحة و بس تتأفف و مع العلم انها مرة كاتبة اسم عطري عشان تشتري لبنتها زييه ...آآآآ ه يا اختي شقول شخللي ....


اختي نوران ... كلامك عين العقل ... و الله يا اختي انا ما اطلب الا العدل بالمعاملة ... انا زوجي لو ابي منه بقالة اقعد بالايام عشان اشوفه و اطلب منه مشوار مهما كان تافه لانه مو فاضيلي ابد دايما معاهم و يحل مشاكلهم و لما يجي البيت تكون اعصاااااااابة تلفانة احاول احتوية و اطبطب عليه بس دايما القى الصد لو بنظرة ... و لعلمك لو تم يومين ما كلم ابوه و لا شافه اقوله خذ العيال و اطلع فيهم يسلمون على جدهم تلاقية مشتاق لهم ....انا ابدا مو زي ما انتي فاهمة ... و هذا اللي مخليهم يدوسون عللي ... لو اني شريرة و ام لسانين ما كان هذا حالي ...


اختي شيخة الحور ... حاولت هالاقتراح بس لا اخوه راضي يطلع و لا ابوه راضي ينزل .... يبي فوق لانه تعود عليه.. و لا الومه رجال كبير صعب تقنعينه يغير شي تعود عليه ... و يبي تحت عشان بناته اذا زاروه ....

و الله ادري ان زوجي طيب و ما منه بهالزمن بس انا اللي احسه مو بس عشان هالسالفة بس انا كذا شعوري لا جاء من فراغ .. كل تصرفات زوجي معاي تدل على انه ما يحبني الحب اللي انا اتمناه ... انا ادري ان الحريم دايما طماعات بحب ازواجهم بس اللي صاير معاي غير ... ما احس انه حتى يخاف عللي لما اتعب ... عشان كذا ما ابي اغامر و احط نفسي بمجال مقارنة مع اهله و انا اللي بكون خسرانة بالاخير لاني متاكدة اني بخسر و انا وراي طفلين وين اروح فيهم ....

عفوا ً لفظ الجلالة الله: يكتب بالهاء و ليس التاء..
تم تعديل المضمون لاحتوائه على اخطاء إملائية
الإشراف