السلام عليكم ورحمة الله وبركاته ..

اخوي بارك الله فيك .. الله يعيينك على اللي انتي فيه .. وان شاء الله يارب يصلح حال زوحتك ويردها لك مثل ماتبي واحسن بعد ان شاء الله ياااارب ..

اخوي يمكن خطيبتك متأثره باللي حولها وكلام صديقاتها وايد .. صدقني انا كنت اعامل زوجي ايام الملكه نفس مايبي بس ماكنت اقول حق حد .. لان الحريم والله ماتدري اشلون يعبون راس البنات بكلام فاضي حتى البنات صديقاتها والله بعضهم تلاقيها صايره خاتم لزوجها وتقول لصديقتها لااا اثقلي عليه عشان يموت عليكي .. ومن هالكلام الفاضي اللي مادري من وين ييبونه ..

والله ياا خوي لو تسمع كلام الحريم والبنات كان قلت ما الومها " طبعا انا قاعده اقول لو زوجتك متاثره بهالكلام "
صدقني يقعدون يقولون تحملي وتحملي بكره يقول عنك خفيفه .. وبكره يشك فيكي وبكره مادري وشو .. مادري من وين هالخرابيط يا حماعه الخبر زوجي حلالي .. انا ملكه وهو ملكي انتو اش تبون ...

الله يصلح الاحوال بس ... ومثل ما انت مقرر والله عيين العقل .. اثقل عليها دام هاي اللي يعجبها ... يعني هي لها قلب تحس بغلاها وانت مالك قلب ..!!!

ان شاء الله يارب تفكر عدل في هالفتره وتحس انك حبيبها وزوجها الغالي .. وترد لك نفس اللي كنت تسويه وتسعدك وتهنييك يااارب العالمين

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...