منتدى عالم الأسرة والمجتمع - عرض مشاركة واحدة - أزواجهم ..وأزواجنا ..دعوة للنقاش

23-07-2008, 04:09 AM

أطياف المجد

كبار شخصيات المنتدى

تاريخ التسجيل: Jan 2007

المشاركات: 2,430

أزواجهم ..وأزواجنا ..دعوة للنقاش

السلام عليكم ورحمة الله وبركاتة

كيفكم ياأعضاء المنتدى؟؟؟ إن شاءالله تكونوا بصحة وسلامة وراحة بال

حصل لي موقف وحابة آخذ رأيكم فيه

أمس كنت عند الكوفيرة علشان أصبغ شعري ..وتركت ولدي الكبير مع أبو الشباب ...

وأخذت ولدي الصغير معي عمرة 3شهور ..سألتني الكوفيرة وهي آسيويه ليش ماتركتي ولدك عند أبوه؟؟

قلت:الصغير يحتاج رعاية وتغيير وتنظيف ورضاعة كل 3ساعات أبوه مايعرف

ضحكت الكوفيرة وقالت:مايعرف أو مايرضى؟؟

أزواجكم كذا مايساعدونكم كل شيء على المرأة.. هنا أنا إنقهرت

وقامت تحكي لي عن زوجها وأبوها تقول أمي ربة بيت ماتشتغل وأبوي يساعدها هي تغسل الملابس مثلا

وأبوي يكويها هي تطبخ وتغسل الصحون وهو يرتب البيت ويكنس وكذا وزوجي نفس الشيء أنا أصلح له

الفطور لأنه يداوم بدري وهوه يصلح العشاء لأني أجي متأخرة وإذا كنت نايمة ولولد موسخ مايقومني علشان

أنظفة هو ينظفه ويصلح له الرضاعه كمان

طبعا هي تتكلم وأنا أقول في نفسي ياحظكم وين أزواجنا وأزواجكم؟؟؟و على فكرة هي مو مسلمة

مع أن قدوتنا الرسول صلى الله عليه وسلم كان في مهنة أهله لكن وين اللي يطبقون؟؟

أعتقد لو الرجال يساعدون حريمهم في البيت ماكان أحتجنا الشغالات

ماأدري وين الخطأ؟؟هل هي العادات أوتربية؟؟

فالبنت من يومها عند أهلها تغسل ملابس أخوها وتكويها وإذا أتزوجت تقوم بأعمال البيت كله وياليت يعجب!!

والولد دائما الآمر الناهي

ماأنكر إن أزواج هاليومين بدأوا يساعدو ن زوجاتهم

لكن نادر يعني يمكن مرةفي الشهر ويقعد يذكرك فيها كل شوية أنا فعلت وعملت

كأنه صلح شي محدصلحه أنا ما أقول يصيرون مثل الأجانب لكن يساعدون شوي معروف أن نهاية الأسبوع

يكون شغل البيت أكثر والزوج عنده إجازة ليش مايساعدها في إجازته يعني لازم الزوجة تطيح في الفراش

علشان يتذكر يساعدها

وبعدين في شغلة ثانية الزوج إذا يبغى يساعد زوجته يروح يجيب الأكل من برا أو يغسل الملابس ويكويها برا

ليش أزواجنا كسولين ؟؟ليش ما يسوونها بأنفسهم؟؟ الأجانب موأحسن منهم

أنتظر آرائكم ومشاراكاتكم

التعديل الأخير تم بواسطة أطياف المجد ; 23-07-2008 الساعة 04:15 AM