ذكرتيني بمواقف حصل لي قبل زواجي..

كنت في عزاء لأحدى قريباتي..وكنت أضيف على الحريم..وجات فرصة و أكون لوحدي مع وحدة لها فترة ما شفتها..قالت لي ما أتزوجت..؟ قلت لها : لا ..قالت : مسكينة..

من جد كأنها أعطتني كف..

وفي لي زميلة كانت معي في الكلية تزوجت في أيام الكلية..يالله أحسها تتضايق لمن نتصل عليها..وبعد الكلية قطعت علاقتها بي و بالشلة ..بسبب إننا لسه محنا متزوجات..

غير قريباتي .كل ما قابلوني ..ها في شي ظما أتقدم لك أحد؟ أنت شايفة نفسك مين ؟ ليش ما تقبلي و تلحقي على عمرك؟؟

حتى بعض زميلاتي في العمل..يجبوا لي عرسان ..اللي متزوج و يبغى يعدد، اللي يبغى مسيار ، اللي راتبه ضعيف..،و اللي سواق ..و اللي ما يفك الحرف..و اللي عمره قد أبوي وجدي..وليش ما تقبلي..مع إنه عمري لسه في العشرينات ..يحسسوني كأني عجوزة ..المهم أرمي نفسي أي رمية علشان دخلت العشرينات و ما أتزوجت..(حسبي الله ونعم الوكيل)..


والحمد لله ربنا عوض صبري..و أستجاب دعائي..ورزقني على قد نيتي..و الله يرزقكم باللي يستاهلوكم..و يسعدوكم..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..