كتبت لك رد طويل وللاسف انمسح بالغلط بحاول اختصره لك..

مستغربه من وضع الاطفال اللي يسهرون ويتهاوشون ويكسرون يعني اطفال عندهم طاقه والحين اجازة صيف وين تبينهم يصرفونها؟؟ واختك ما تنلام حامل وتعبانه وتبي تروق وترتاح مع اني مو معها بتصرفاتها مهما كان هذا بيت امك وهي مالها حق تقفل بيبان ولا تطرد احد..

يعني الزبدة اجلسي مع امك لحاااالكم وفهميها بالتفصيل ان الناس الحين ما تترك عيالها بالاجازة بهالشكل شوارع وسهر الناس تسجل عيالها بمخيمات صيفية ونوادي ومراكز تعليميه لكن بما ان اخواتك مطنشين هالنقطة انتم لازم تسوون شي..

اذا عندكم حوش ممكن تروحون السوق تشترون مراجيح و المسبح الجاهز اللي يتعبا على طول وسوو جدول للاطفال بشرط انهم ينامون بوقت محدد ويقومون بوقت محدد واللي يخالف ما يدخل بالجدول..

يوم سباحه ويوم لعب حر ويوم تودونهم مطعم ويوم ملاهي واخواتك يتوزعون بالجدول كل يوم وحده تكون مسؤولة عن الاطفال وهالموضوع اجباري مو اختياري لازم امك تقتنع وتقترح الموضوع لانكم انتي واختك مالكم كلمة في بيت امك وهي اللي لها الكلمة بكذا يكون فيه كم ساعة هدوء في البيت.. لازم امك تقتنع قولي اختي تعبانه وعلى وشك ولادة واحنا باجازة نبي نجتمع ووننبسط ونسولف مب اطفال 24 ساعه بوجهنا ما فيه وقت ننبسط ولا نسولف ولا حتى نروق..

بالنسبه للمراهقين والشوارع اشوف لا انتي ولا اختك ولا امك لكم دخل الام والاابو فقط المسؤولين ومعه حق يوم قالك لا تتدخلين لا تزعلين بس فعلا مالك دخل وبما انهم برا البيت وما ازعجوكم ماعليك منهم امهم وابوهم مسؤولين عنهم خليك بس مع البزران اللي مسوين لكم ازعاج وقلق..

ممكن تسوين مسابقات او بالنسبه للبنات ترا مرة مرة يحبون الرسم والاشغال ممكن تجيبون من المكبتة اغراض كراسات والوان واقمشة ومقصات واغراض ولا تخلونه كل يوم يصير ماله طعم خلو يوم كامل رسم واشغال وبكرا تشيلون الاغراض خلا صبرنامج ثاني وبعد كم يوم ترجع الاشغال والرسم عشان يتشوقون لها..

كذا احنا في القرية اذا اجتمعنا كلنا في بيت جدي وماهو كبير على فكرة ما قد انزعجنا من الاطفال مع انهم كثار بس ما شاء الله كل يوم برنامج لدرجة اخر يوم مسوين لهم حفلة توديع الاجازة وكيكة ومسابقاات وهدايا وشي مرة مرتب وكل يوم ينامون بدري ويصحون بدري عشان يشتركون بالبرنامج يوم رسم ويوم سباحة ويوم يطلعون مطعم مع انه بالقريه مافيه ملاهيات ولا امااكن طلعة كثير ومع ذلك رتبو وضعهم..

ممكن بالليل تشغلون لهم افلام كرتون كانه سينما صلحو بوب كورن مثلا وسكرو اللمبات وشغلو افلام كرتون قولو هذا السينما كل يوم من الساعه 10 الى 12 وبعدها ينامون واللي ما ينام بكرا ما يدخل السينما..

ممكن تشجيع الاطفال بهديه مثلا اخر الاجازة كمبيوتر او قيم بوي شي يحمسهم والامهات يشتورن الهدايا او ممكن قطة بينكم كلكم واخر الاجازة تتوزع الهدايا على الاطفال اللي التزمو بالجدول..ممكن الطفل المثالي يكون القائد بكرا ويقرر وش برنامجهم اليوم.. ممكن لوحة للاطفال الملتزمين والاطفال المشاغبين بروسومات او صور..

ممكن جدار كامل تغطينه بورق وتجيبينلهم اقلام وتقولون شخبطو على كيفكم بالجدار شوفي كيف ينبسطون ويفرغون الطاقات.. جيبي انشطة كثيرة ووزعيها..


الاطفال مساكين لازم ينشغل وقتهم ولا مايدرون وين يودون طاقتهم هذي نصيحتي لك وضروري تقنعين امك فيها وتخلينها تفرض هالنظام على خواتك فهميها انه لراحتكم وراحتها ولا كل ما يمر الوقت بيستفحل الوضع..

__________________